Naganap noong Sabado ng gabi, Setyembre 26, 2026, sa Cinema 6 ng Eastwood Mall ang special screening ng finale episode ng Dating Alys Perez, ang Viva One series na pinagbibidahan nina Rabin Angeles, Zeke Polina, at Angela Muji.
Hindi itinanggi nina Rabin at Angela ang lungkot na nararamdaman sa pagtatapos ng kanilang romantic drama series na hindi na magkakaroon ng sequel.
“Nakakalungkot pero happy po kami na natapos namin ito kasi mahaba po siya from the first season hanggang ngayon,” pahayag ni Rabin sa panayam sa kanya ng Cabinet Files bago nag-umpisa ang special screening ng serye.
Dagdag ni Angela, “Bittersweet kasi it’s not just a season finale, it’s a series finale so tapos na po yung story nina Jake, Alys, and ni Trip so ito na po yung tuldok.
"Kaya masaya dahil finally meron nang happy ending sila, pero malungkot because mami-miss namin po yung characters namin and the people we’ve worked with.”
Si Angela ang nagpaliwanag na malabo nang masundan ang Dating Alys Perez.
Aniya, “Nag-base lang kami sa libro and there are only two books.
"Apparently, there’s supposed to be three pero na-cancel yung isang libro or discontinued. Hindi na tinapos, na-discontinue na talaga.
"Yun lang po yung in-adapt namin, yung first and second."
Read: Bacoor RTC reaffirms guilty verdict vs. Archie Alemania
ANGELA MUJI ON HER DOLL COLLECTION
Mga manika ang reward ni Angela sa sarili mula sa kanyang mga pinagpaguran sa Dating Alys Perez.
At diumano, ang pangongolekta ng mga manika ang kinahihiligan niya sa kasalukuyan.
“I am so obsessed with dolls now kasi nung bata ako, yung dolls ko, sinisira ko dahil mga lalake po yung mga pinsan kong kalaro so ang ginagawa namin, pinupugot namin yung mga ulo.
"So ngayon nag-e-enjoy ako na mag-collect ng dolls, Monster High, Bratz, Barbie, My Scene.
"Dumadami na sila, sobrang saya ko. I think more or less, twenty na sila. I just started. Binibihisan ko sila.
"Actually, nagpapa-commission ako ng mga damit for them. Mas mahal pa ang mga damit nila kesa sa mga damit ko.
"Kahapon lang, nagpagawa ako ng four pieces outfits, nasa 5K siya.
"Parang nanghihinayang ako kasi ang liit niya, pero ang saya ko naman kasi mabibihisan ko sila.
"Saka made-to-order, mahirap siya dahil maliit,” ang kuwento ni Angela tungkol sa kanyang mga koleksyon na manika.
Read: Aiko Melendez and Onemig Bondoc discover surprising connections
RABIN ANGELES SAVING UP FOR MOM
Si Rabin ang sumagot nang itanong ng Cabinet Files kay Angela kung ilan sa mga manika niya ang ibinigay ng kanyang loveteam.
"Wala po, hindi ko siya binibigyan ng manika kasi natatakot po ako sa manika.
"Bata pa po ako, takot na ako sa manika,” ang rebelasyon ni Rabin.
Wala raw siyang reward sa sarili dahil iniipon niya ang kanyang mga kinita mula sa Viva One series nila ni Angela.
"Wala po akong binibiling mga gamit, nag-iipon po kasi ako ngayon para kay Mommy Tere,” ani Rabin na mahal na mahal ang kanyang ina.