Reunion ng original cast ng drama series na Mara Clara (Agosto 1992-Pebrero 1997) ang mapapanood sa music video ng “Primera Kontrabida,” ang debut single ni Gladys Reyes sa Star Music.
“Nostalgic and iconic” ang pagsasalarawan ni Gladys sa music video ng “Primera Kontrabida.”
Siya ang gumawa ng paraan mapagsama-sama sina Judy Ann Santos, Susan Africa, Juan Rodrigo, Wowie de Guzman, at ang Universal Motion Dancers.
Sa kanyang guesting sa Sunday night entertainment talk show ng GTV na Kalurks noong Linggo, Setyembre 27, 2026, ikinuwento ni Gladys kung paano niya napagsama-sama ang dating co-stars sa Mara Clara.
Pagbabahagi ng aktres: “Nilambing ko si Tita Susan Africa kasi siya yung nanay ko sa serye, Tito Juan Rodrigo was my dad.
“It’s not an ordinary music video, it’s very nostalgic and iconic kasi nandito lahat yung [mga artista] na sinubaybayan nila ng matagal na panahon.
“And of course, Judy Ann Santos. Siyempre, nilambing ko si Judy Ann kasi ang hirap pagtagpuin ng mga schedule nila.
"Answered prayer na isang araw, September 9, napagsama-sama ko sila. Buti na lang pumuwede si Judy Ann ng araw na yon.”
View this post on Instagram
Read: Deniece Cornejo, Cedric Lee granted release by Court of Appeals
REAL-LIFE KONTRABIDAS
Malakas ang last song syndrome (LSS) ng "Primera Kontrabida."
Napapanahon din ang kanta dahil tungkol ito sa politicians na nagpapanggap na mga public servant.
Saad ni Gladys: “Real talk siya sa mga real-life kontrabida sa buhay natin, sa paligid natin.
"So, nakakatuwa kasi isa sa lyrics is ‘Pero hindi mo halata, totoong kontrabida, sa tunay na buhay, may maskara sila. Nakangiti, magaling sa pambobola pero pakitang- tao.'"
Kahit hindi professional singer, live na kinakanta ni Gladys sa kanyang mga TV guesting ang debut single niya.
“Answered prayer and dream come true for me ang 'Primera Kontrabida.'
“Mahilig talaga akong kumanta pero hindi ako professional singer. Ako kasi, kaya ko mag-karaoke sa bahay, videoke, mula umaga hanggang gabi.
"Pero hindi naman to the point na napabayaan ko na yung mga anak ko.
"Yun ang stress reliever ko, actually," aniya.
Read: Pops, Martin, Roderick, Cynthia mourn the loss of concert producer Susan Lim
GLADYS REYES NAMES ACTOR IN A BLIND ITEM
Naging kontrobersiyal ang guesting ni Gladys sa Kalurks kagabi dahil hindi lamang siya nagbigay ng clue, binanggit pa niya nang buong-buo ang pangalan ng aktor na bida sa blind item news ng programa.
Naniningil ng mataas na talent fee ang aktor nang imbitahan ito sa isang TV show.
Nang sabihin ng talent coordination ng programa na masyadong mahal ang honorarium na hinihingi ng aktor, sumagot itong mayaman naman ang host ng show kaya dagdagan na lamang nito ang ibabayad sa kanya.
Nang hindi napagbigyan ang kanyang hinihinging talent fee, sinabi ng aktor sa talent coordinator na huwag na siyang tatawagan sa telepono at iimbitahan sa nabanggit na show.
Nang marinig ni Gladys ang blind item, nag-flashback sa kanya ang nakaraan dahil sa naging karanasan niya sa aktor.
Ikinuwento ni Gladys na sinisingil siya ng aktor ng PHP200,000 nang imbitahan niya para makapanayam sa kanyang show.
Shocked na shocked si Gladys dahil may pinagsamahan sila ng aktor na nakatrabaho niya sa isang teleserye.
Nagbiro si Gladys na iniimbitahan nito ang aktor para sa isang interview at hindi para kuning product endorser kaya ikinaloka niya ang mataas na talent fee na hinihingi.
May sapat na dahilan si Gladys para mabigla dahil walang anumang kapalit na hiningi sina Judy Ann, Susan, Juan, Wowie, at ang Universal Motion Dancers nang imbitahan niyang magkaroon ng partisipasyon sa music video ng “Primera Kontrabida.”'
Read: Shanaia Gomez shares old DMs; Carlos Agassi and wife respond