Ang update tungkol sa US$3,000 na nawala sa Louis Vuitton bag ni Martin Nievera ang kinumusta ng Cabinet Files.
Naiwan ni Martin ang bag niya sa eroplano nang bumiyahe siya noong Hulyo 2026 sa Fort Lauderdale, Florida, USA.
At sobrang frustrating para sa kanya ng insidente, dahil posibleng naiwasan sana ang pagkawala ng pera niya, na may katumbas na PHP188,542.40 sa exchange rate na US$1=PHP62.66.
Eksklusibong nakapanayam ng Cabinet Files si Martin bago nag-umpisa ang media conference para sa kanyang bagong Christmas song, ang "Christmas in Manila."
HOW MARTIN NIEVERA LOST HIS LV BAG
Ayaw ni Martin na isipin ng mga tao na sinisiraan niya ang airline company na sinakyan kaya tumigil na siya sa pagbabahagi sa social media ng kanyang malungkot na karanasan.
Pero nagpaunlak ang Concert King ng Pilipinas na magbigay ng mga detalye nang magtanong ang Cabinet Files tungkol sa pangyayari na nag-iwan sa kanya ng importanteng aral.
"Mali talaga yung isang lalake na nasa Fort Lauderdale airport that’s wearing the [airline company] uniform.
"He doesn’t speak for all that’s why I stopped ranting about it. I stopped doing it because I don’t want people to think I’m trying to bring down an airline.
"It was a great flight. I was so impressed," bungad na kuwento ni Martin.
Aminadong na-distract siya paglapag ng eroplano sa Ford Lauderdale airport.
Kuwento niya: "I was watching Alex Eala’s playing on the TV screen, and when we’re descending, nawala.
"Oh god, she was leading pa. Sabi ko sa girlfriend ko, si Anj [del Rosari], ‘Hurry, get your things, let's go!’
"Ako pa ang nakaiwan ng bag ko."
Nagkakilala na ba kayo ni Alex nang personal mula nang ibahagi mo sa social media ang kuwento ng pagkawala ng bag mo?
“I never met her,” ang sagot ni Martin.
Nakarating sa kanya ang karanasan mo?
"That I don’t know. May nagsabi pa na, 'Bakit mo bine-blame si Alex?'
"Hindi niya na-get. Sa excitement ko, naiwan ko ang bag sa ilalim na ilalim kasi yung chair, nagiging bed, so nandoon yung bag ko,” ang paglilinaw ni Martin.
Nakalabas na raw siya sa airport security nang mapagtantong wala ang kanyang LV bag.
Sinubukan daw niyang kausapin ang airline staff sa baggage counter, pero hindi raw siya pinayagan na balikan ang gamit sa eroplano.
Kailangan daw muna niya mag-file ng report bago maproseso ang kanyang reklamo.
Read: Martin Nievera learns to let go after US$3,000 airline incident
MARTIN NIEVERA ON UNHELPFUL AIRLINE EMPLOYEE
Kinabukasan ay bumalik siya sa Fort Lauderdale airport, at dito niya nakausap ang empleyado sa baggage counter ng sinakyang airline company.
"Ang sabi ng guy when I came back the next day, 'I remember you. Can you describe your bag?’
"I was thinking, 'Why didn’t you ask me this yesterday?' So I said, 'It’s a black bag with a big Labubu.' And the girl beside him said, 'Oh my god! I love Labubu!'
"They were all saying, 'We never saw it. It never passed through us.'"
Kasama ni Martin ang girlfriend niyang si Anj nang bumalik sila sa airport at napatunayan nila na naroroon ang bag na nawala.
May Tile Bluetooth tracking device kasi ang wallet ni Martin, at tumunog iyon nang pindutin ni Anj ang alarm sa mobile app nito.
“I can hear it! I can hear it!’ sabi ng girlfriend ko. It’s beeping right behind them, by the wall. Sabi ng lalake, 'Lemme go check. Lemme go check!’
"Paglabas niya suot pa niya ang bag, ‘Is this the one?’
"Sa excitement ko, I looked right away. I didn’t wanna show that I was counting money. Nakakahiya, di ba?
"Pero I saw my passport. I said, 'Oh my god. It’s here. This is great. Thank you so much.'"
Pero nadiskubre ni Martin na wala ng lamang pera ang kanyang wallet.
"As soon as we left, maybe two or three feet away, I checked my wallet, it’s empty. And then, credit cards, gone.
"Bumalik kami, 'Excuse me, I cannot seem to find the money that was in here.’
"Sabi nila, ‘Oh yeah, that’s standard procedure.' 'Huh? Why didn’t you tell me before I left?' 'Oh yeah, we take it out and they will send you a cheque.'"
Nagulumihanan si Martin sa sinabi ng airline employee na "standard procedure" na i-shred lahat ng credit cards at kunin ang perang laman ng wallet.
Kung sinasabi ng airport employee na ibabalik ito via check, kataka-taka dahil hindi man lang umano nito inalam kung magkano ang nawala niyang pera.
"'Do you know huw much money I lost? Do you know what kind of cheque to make?' tanong daw ni Martin.
Sagot daw ng male employee ng airline company, 'No, don’t figure it out.’"
Read: Jacob Aaron Polintan, 24, cause of death revealed
MARTIN NIEVERA ON USD90-CHECK
Isang buwan matapos ang insidente, nakatanggap si Martin ng tseke na nagkakahalaga ng US$90.00.
Napakaliit na halaga nito kung ikukumpara sa US$3,000 na nawala sa kanya.
Ani Martin, "Almost a month, bumalik ang US$90.00 in a check. It’s with my sister. I said, 'Don’t even deposit it.'
"So I got US$90. They even found [money in] pesos. I didn’t know I have pesos in my bag. Why will I bring pesos in America?
"To be honest with you, I remember not having any pesos. I’m very OC about my things in my bag," ang nagtataka na pahayag pa ni Martin.
Malaki ang naitulong ng social media post ni Martin tungkol sa kanyang karanasan dahil lumitaw ang kuwento ng mga insidente tungkol sa mga pasahero na nawalan ng mga gamit sa nabanggit na airport.
"Ang daming nagba-bash sa kanila, taga-America especially yung mga taga-Florida.
"Not even a week after my ranting, may nawala nang US$4,000 at bagahe from the same office,” ani Martin.
Sa huli, kinumusta ng Cabinet Files ang Labubu doll na nakasabit sa kanyang nawala pero natagpuanh bag.
“He’s fine. He’s dirty!” mabilis na pagtatapos ni Martin.