Magaganap sa Nobyembre 8, 2026 ang ALX: ALAMAT: The Legendary Experience, ang major concert ng P-pop group na ALAMAT sa New Frontier Theater, Cubao, Quezon City.
Sila ay binubuo nina Tomas Rodriguez, Alas Alvarez, Jao Canlas, R-Ji Lim, Mo Mitchell, at Taneo Sebastian
Hindi pa alam ng mga miyembro ng grupo ang mga magiging bisita nila na kapwa mang-aawit.
At dahil si Tomas ang dating loveteam ni Lyca Gairanod, itinanong ng Cabinet Files ang posibilidad na imbitahan nila sa concert ang singer ng viral song na “Puede Nang Mangarap."
"Ayun po, nangangarap pa rin po," sagot ni Tomas.
"Actually, inisip nga po namin kasi ka-collab namin siya sa song na ILY ILY. Hindi ko pa alam kung ano ang napagdesisyunan ng Viva."
Read: Judy Ann Santos gives daughter Yohan’s new hairstyle a thumbs-up
ALAMAT PREPS FOR ALX: ALAMAT & PARIS SHOW
Bago idaos ang concert ng ALAMAT sa Nobyembre 8,2026, lilipad sinasa Paris, France para sa inaugural The A Festival.
Mangyayari ito sa Oktubre 24 at 25, 2026 sa Paris Event Place, kaya magiging abala sila nang husto sa mga susunod na araw para sa kanilang rehearsals.
"Ano kami, go with the flow. Opportunity sa amin ito, every time na binibigyan kami ng trabaho, tinatanggap namin. Nakaka-miss din mag-work,” sabi ni Alas tungkol sa hectic schedule nila.
Sabi naman ni Jao, “Kapag may vacant time on a day, although mahirap maghanap ng vacant. Pero kapag meron talaga, inilalaan namin sa preparation kasi importante talaga na mentally prepared ka.
"And also, for sure, sa concert namin, may solo stages. Kailangan namin iplantsa on our own. Kailangan na rin namin magpalakas sa upcoming rehearsals namin.
"Since last month, pinaplano na talaga namin—paano ang magiging structure, ano ang gagawin natin, ano ang ire-represent natin sa The A Festival.
"Although we haven’t gone through rehearsals yet, pero plantsado na ang mga plano namin.
"As always, siyempre gusto namin magbigay ng surprise para sa audience. Hindi kailangan na kilalang-kilala mo yung ALAMAT.
"We also want the viewers to come with an open mind kasi we wanna bring the stories of the Philippines."
Read: Martin Nievera says only US$90 was returned from US$3,000 loss
FIRST PINOY BAND AT THE A FESTIVAL IN PARIS
Ibinida ni R-Ji na ang ALAMAT ang unang Filipino boy band na naimbitahan sa The A Festival.
Lahad niya: "Kami po yung first Filipino boy band na magpe-perform doon kaya sobrang thankful and grateful kami.
"About sa concert, inihahanda na talaga namin yung puso namin. We need to do our best, God will do the rest."
Tulad ni Jao, mahalaga rin para kay Mo na hindi lang pisikal ang pinaghahandaan nila.
"Lagi ko lang iniisip, hindi naman bago yung pupunta kami sa France tapos pagbalik, kailangan namin mag-prep for the concert.
"Pero kung titingnan natin, halimbawa nung mga nakaraan, after concert, meron pa rin kaming mga ganap.
"So ang iniisip ko, dapat ready kami mentally kasi yun ang pinakamahalaga.
"Kung mapapagod man kami physically, puwede naman naming ipahinga, itulog.”