Marunong mag-alaga sa sarili si Pops Fernandez, kaya marami ang nagugulat kapag nalalaman nila na senior citizen na siya sa kanyang paparating na kaarawan sa Disyembre 12, 2026.
Napanatili kasi niya ang kanyang youthful looks.
Ang regalo ni Pops sa sarili sa 60th birthday nito ang itinanong ng Cabinet Files nang humarap siya sa entertainment media ngayong Lunes, Oktubre 12, 2026.
Ang pag-uwi sa Pilipinas ng kanyang mga anak na sina Robin at Ram na naninirahan sa Amerika para sa 60th birthday niya ang sagot ni Pops sa tanong ng Cabinet Files.
"Yung family ko uuwi so my two boys, si Mia, she’s now part of our family, and Finn is coming so I think that’s a big gift for me.”"
Si Mia ay partner ni Robin. Si Finn ay anak ni Ram.
Si Ram ang panganay at si Robin ang bunsong anak ni Pops sa ex-husband na si Martin Nievera.
"After all of these hard work, I get to spend family time this time in Manila.
"Yung mom ko po, apo na niya sa tuhod si Finn, so they haven’t seen each other for about... so magkikita sila uli," kuwento ni Pops.
Nakausap ng Cabinet Files si Pops sa mediacon para sa Pops, ang birthday at anniversary concert niya na itatanghal sa Nobyembre 26, sa Newport Performing Arts Theater ng Resorts World Manila, Pasay City.
Read: Gelli de Belen clarifies her position on Jennylyn-Patrick issue
POPS FERNANDEZ CAREER BEGINNING
Gumawa si Pops ng kasaysayan sa local music industry noong 1981 dahil ang kanyang debut single na "Dito" ang unang OPM na nagkaroon ng music video.
"Ang unang-una kong manager talaga, si Senator Tito Sotto, and of course, my ninang Helen Gamboa. Sila talaga yung naka-discover sa akin sa showbiz.
"Idea ‘yan ni Ninong. Sabi niya, 'Alam mo, para mag-iba ang iyong launch ginagawa ito sa Japan. Gawin natin for the first time dito sa Pilipinas.'
"Kaya nag-shoot kami noon ng very first music video. Wala pa noong MTV, wala pang ganoong outlet for any music video but we did it.
"It’s something new and I really appreciate it and it means so much because very first song ko, very first music video.
"The late director Bert de Leon was the one who shot that video. Siya rin yung partner ko doon.
"Nakatalikod, meron akong ka-holding hands, si Direk Bert din ‘yon. Napaka-expensive budget. Kami-kami na lang ‘yon," ang natatawa na sabi ni Pops.
Read: Meryll Soriano happy to hear news about dad Willie Revillame
POPS FERNANDEZ ON SPECIAL GUESTS
Sina Martin, Vina Morales, Erik Santos, Jay Durias, Regine Velasquez, at Helen ang mga special guest ni Pops sa kanyang anniversary at birthday concert na may simpleng pamagat na Pops.
"I wanted to work with the people I’m very closed to. Mga special sa buhay ko.
"Si Vina is a good friend of mine, and I realized magkaibigan kami pero never pero talaga kaming nag-show together. Na-produce ko na si Vina ng show but onstage, we never performed together.Dream ko ‘yan, makatrabaho si Vina.
"Of course, si Erik Santos. I love him dearly. Jay Durias, I’m looking forward to working with Jay, and of course, Regine, I love Regine.
"I have to say that I’ve been such a big part of Regine Velasquez as far as her discovery is concerned.
"And of course, Martin Nievera. And ito po, super-super special. Isa pa po ito sa never ko naka-perform onstage, and I figured why not?
"Siya naman po ang isa sa nag-discover sa akin. Of course, Miss Helen Gamboa-Sotto so that’s gonna be a special number.
"We also have other surprise guests pero siyempre hindi namin sasabihin kasi nga surprise," lahad ni Pops.