Dalawang aktres na mga nagbida sa mga fantasy drama television series ang pumukaw sa atensyon ng publiko sa linggong ito dahil sa kanilang mga gandang hindi inakala.
Si Jane de Leon, na gumanap na Darna (Agosto 2022- Pebrero 2023) ng Kapamilya Channel, at si Louise delos Reyes, ang pangunahin na karakter sa Alakdana (Enero 2011-Mayo 2011) ng GMA-7.
JANE DE LEON
Read: Atasha Muhlach answers mom Charlene’s famous Miss U question
Marami ang nagulat sa sophisticated look ni Jane nang mapanood ito sa ASAP XP na ginanap noong Oktubre 11, 2026 sa Lapid Arena, Angeles City, Pampanga.
Muling mapapanood si Jane sa ASAP XP na magaganap sa Nobyembre 15, 2026 sa Santiago City, Isabela; at ang bagong larawan niya na ginamit sa teaser ng programa ang isa sa mga patunay ng kanyang physical transformation.
Hindi kaagad nakilala si Jane ng mga tao, pero nagkakaisa ang karamihan sa paniniwala na mas maganda siya ngayon.
Matagal nang ibinabahagi ni Jane sa Instagram page nito ang mga larawan niya, pero napansin lamang nang husto ang kanyang nakakapanibago na itsura nang muli siyang masilayan sa telebisyon, makalipas ang matagal na panahon.
LOUISE DELOS REYES
Gaya ni Jane, rebelasyon din si Louise sa litrato na ibinahagi rin nito sa kanyang Instagram page at nilagyan niya ng caption na “my new go-to soft glam look!”
Bukod sa pagiging artista, nagtatrabaho si Louise bilang head pastry chef ng Viva International Food and Restaurants Inc.
Matagal nang hindi nakikita si Louise sa telebisyon kaya marami rin ang nagulat at humanga sa kanyang physical transformation.
Kamukha nina Lovi Poe, Andrea Torres, at ng dating aktres na si Chin-Chin Gutierrez ang reaksyon ng social media followers ni Louise sa "new look" photo niya.