Hindi sinipot ni Tito Patrioto, higit na kilala sa pangalang Tito P, ang imbitasyon ng National Bureau of Investigation (NBI) ngayong Martes, Oktubre 20, 2026.
Kabilang si Tito P sa limang hosts ng Machong Chismisan na ipinatawag ng NBI dahil sa kanilang pang-iinsulto kay Josh Aquino na isang paglabag sa Republic Act 7277, ang Magna Carta for Disabled Persons.
Si Josh, 31, ang nasa autism spectrum na anak nina Kris Aquino at Phillip Salvador.
Si Tito P ang nagsabing "walang kuwenta" at "nakatunganga" lang si Josh Aquino sa isang episode ng kanselado nang podcast show.
Sa pamamagitan ng abogado ni Tito P, nagpadala na lamang ng sulat ang podcaster para sabihing hindi siya makararating dahil baka lalo umanong lumala ang kanyang kundisyong ADHD at pagiging bipolar niya.
Sa mga host ng Machong Chismisan, si Daniel Lawrence Vibar ang unang dumating sa Cybercrime Division ng NBI, kasama ang kanyang legal counsel na si Atty. Pio Garayblas.
Pero hindi siya nagpaunlak na panayam sa mga miyembro ng media na naghintay at nag-abang sa pagdating niya.
Read: NBI director orders probe into Josh Aquino mockery controversy
TITO P'S PUBLIC APOLOGY
Sa unang public apology na inilabas ni Tito P, nagpahayag siya ng pagsisisi sa mga naging pahayag niya tungkol kay Josh.
Saad niya: “Regrettably, I made remarks that were disparaging toward Josh Aquino and hurt many people who relate to his condition as a person on the autism spectrum, as well as those who have loved ones like him.
“I can relate to him and to those affected as someone who has also been diagnosed as neurodivergent.
"While this does not excuse my hurtful words or the laughter that followed, I hope people will consider that I was not coming from a place of malice or hurtful intent.
“As someone with ADHD, impulse control can make filtering thoughts difficult. An edgy joke might pop into my head, and before my executive functioning can evaluate the social risk, it has already been said aloud. I share this not to excuse my behavior, but to provide context.”
Read: Machong Chismisan podcast hosts apologize for mocking Josh Aquino