Licensed hairdresser na ang popular South Korean actor na si Park Bo Gum matapos na mabigo sa kanyang unang pagsubok sa pagsusulit.
Ang South Korean television network na tvN ang nag-anunsyo na may lisensya na si Park Bo Gum bilang hairdresser.
Iniulat ng tVN na may average lamang na 20 hanggang 30 percent ang pagpasa ni Park Bo Gum sa national certification at technical qualification exam para sa general hairdressing sa Korea.
Saktong mapapanood sa nabanggit na television station simula sa Nobyembre 29, 2026 ang Season 2 ng The Village Barber (Bogum’s Magic Curl). Si Park Bo Gum ang lead actor ng matagumpay na heartwarming reality show na sinubaybayan at tinangkilik ng publiko mula Enero 30, 2026 hanggang Abril 3, 2026.
Nadagdagan ang mga tagahanga ni Park Bo Gum dahil sa kanyang likas na kabutihan at kababaang-loob na ipinamalas sa The Village Barber, sa kabila ng tinatamasa niya na popularidad sa buong mundo.
Nag-aral at natuto si Park Bo Gum na maggupit ng buhok sa kanyang mandatory military service sa South Korean Navy noong panahon ng pandemya (Agosto 31, 2020 hanggang Pebrero 21, 2022 ) kaya nagkaroon siya ng national barbering qualification.
Read: Meryll Soriano on Joem Bascon: Budgetarian, kuripot, good provider
PARK BO GUM NEW TV SERIES
Natunghayan sa unang season ng The Village Barner ang seryosong paghahanda ni Park Bo Gum para sa pagsusulit niya sa hairdressing license, pero hindi siya nakapasa sa practical perm test.
Hindi nawalan ng pag-asa at hindi sumuko si Park Bo Gum dahil kahit abala sa kanyang mga showbiz commitment, ipinagpatuloy niya ang pag-aaral hanggang magtagumpay siya sa ikalawang pagsusulit.
Dahil licensed hairdresser na si Park Bo Gum, inaasahan na mapapanood sa Season 2 ng The Village Barber ang kanyang mga kaalaman sa paggugupit, pag-aayos at pagkukulot ng buhok ng mga kostumer na magsasadya sa salon nila ng kapwa Korean actors na sina Lee Sang Yi at Ko Kyung Pyo.