GMA Artist Center exec, itinangging lilipat ng istasyon si Gabbi Garcia

Itinanggi ng isang GMA Artist Center executive ang mga speculation na lilipat sa ibang television network ang contract star nilang si Gabbi Garcia dahil sa cryptic tweet nito na “how 2 make the right decision.”

Sinabi ng GMAAC executive sa Cabinet Files na long-term ang kontrata ni Garcia sa GMA Network Inc. kaya walang katotohanan ang mga haka-haka tungkol sa cryptic tweet ng young actress.

Nakadagdag sa mga hinala na lilipat si Garcia sa ABS-CBN dahil pinatay na ang karakter niya sa Sherlock Jr. ang primetime program ng GMA-7.

Fact. Dinamdam ni Gabbi ang pagkawala ng karakter niya sa Sherlock Jr. pero desisyon ito ng mga in-charge sa programa na nagkaisa na dagdagan ang mga action scene at i-focus ang kuwento ng television series sa mga adventure ni Sherlock Jr. ( Ruru Madrid ) at ni Siri, ang aso na sidekick niya.