Big news sa boxing world ang pagkalas ni Senator Manny Pacquiao kay Freddie Roach, ang boxing trainer niya mula pa noong 2001.
Nag-aalala ang mga international boxing analyst sa magiging resulta ng laban ni Pacquiao sa Argentinian boxer na si Lucas Matthysse sa July 15 sa Kuala Lumpur, Malaysia dahil hindi na si Roach ang boxing coach niya.
Si Buboy Fernandez, ang matalik na kaibigan ni Pacquiao, ang magiging trainer ng Pambansang Kamao para sa laban nito kay Matthysse.
Ang pagkatalo ni Pacquiao sa boxing fight nila ni Jeff Horn sa Australia noong July 2017 ang isa sa mga itinuturong dahilan kaya nagdesisyon ang Filipino boxing champ na tumiwalag kay Roach.
Fact: Bibisita sa Pilipinas si Matthysse sa third week ng April para i-promote ang boxing fight nila ni Pacquiao.
Magsisimula naman ang boxing training ni Pacquiao sa darating na linggo sa General Santos City.