Ngayong Friday the 13th, April 14, ang 25th birthday ni Juancho Trivino.
Pero wala sa plano nitong magkaroon ng grand birthday celebration dahil kakain lamang daw sila sa labas ng pamilya niya.
"To be more focused with work and to stay positive with everything, be it with personal life or career," ang 25th birthday wish ni Juancho.
Mui siyang naging kontrobersiyal kahapon, for a few minutes, dahil sa Instagram post niya ng kanyang almost butt-naked black-and-white picture na kuha sa isang beach resort sa Subic, Zambales.
"Nagloloko lang siya," ang paliwanag ng isang malapit kay Juancho tungkol sa litrato nitong agad na binura pero mabilis na na-screenshot ng followers niya.
Kahit nagbibiro lamang si Juancho, pinagsabihan itong maging maingat sa mga IG post niya dahil baka ma-misinterpret na naman siya.
Pansamantalang hindi napanood si Juancho sa Unang Hirit noong kainitan ng isyu tungkol sa kanila ni Alden Richards, na pinagsisihan niya at inihingi sa publiko ng kapatawaran.
Maituturing na best birthday gift kay Juancho ang pagbabalik sa kanya bilang segment host ng morning show ng GMA-7