Viva at Idea First, nagsanib para sa comeback movie ni Claudine Barretto

Joint venture ng Viva Films at The Idea First Company ang comeback movie ni Claudine Barretto na sisimulan ang shooting sa July 2018.

Ang The Idea First Company executive producer na si Perci Intalan ang nagsabi sa Cabinet Files na tailor made for Claudine ang movie project na hinahanapan pa nila ng title.

Si Sigrid Andrea Bernardo ang direktor at siya rin ang sumulat ng kuwento at screenplay ng pelikula.

“Wala pang confirmed title si Direk Sig, e. Honestly talaga, wala pa siyang maisip. Wala pang co-stars, si Claudine pa lang nakakausap namin.

"Ang Viva ang nag-open ng possibility of working together. E, gustung-gusto ni Direk Sig, so kinarir niya ang pagbuo ng story for Claudine,” ang ilan sa mga impormasyon na sinabi ni Perci.

Kinumpirma ni Perci na kukunan sa ibang bansa ang mga eksena ng comeback movie ni Claudine at ito ang inaayos nila dahil gusto ni Sigrid na mag-shooting sa Eastern Europe.

ADVERTISEMENT - CONTINUE READING BELOW

 


COMMENTS

Loading comments

THIS JUST IN

Close