Magaling na manager ang kanyang asawa na si Aljon Jimenez ang pagmamalaki ni Manilyn Reynes nang makausap siya ng Cabinet Files sa presscon ng Inday Will Always Love You ng GMA-7.
"Since we are a couple, we know kung saan namin gusto patungo ang gagawin namin, yung career move.
"Ang maganda, kapag may proyekto, nagkukonsultahan pa rin kami. Hindi yung ‘O, hon, ilalagay kita sa ganito.’
“Forever ang contract ko sa kanya at saka itong deal ko namin, ang exclusive contract ko with GMA-7, siyempre, kanya 'yan,” ang kuwento ni Manilyn.
May komisyon ba si Aljon bilang manager niya?
"Aba dapat, manager, e! Ganoon talaga because you are also working,” ang natatawang sagot ni Manilyn.
Naghihintay lang daw sila ng right timing dahil may plano sila ni Aljon na magbukas uli ng food business.