Sa Sabado, June 2, ang cremation sa bangkay ni Pepito Perez, ang 74-year-old father ng aktor na si Lander Vera-Perez.
Kahapon, May 30, nakiramay kami sa mga naulila ng nasawi na nakaburol sa Arlington Memorial Chapels sa Araneta Avenue, Quezon City.
Dito namin nalamang hindi pa nagbibigay ng last respect sa ama ni Lander ang dalawang apo nito, ang mga anak ng aktor at ng kanyang estranged wife na si Regine Tolentino.
Hindi privy ang Cabinet Files sa tunay na dahilan ng hidwaan at paghihiwalay nina Lander at Regine, pero hangga’t maaari, maiwasan sanang madamay ang kanilang mga anak sa hindi nila pagkakaunawaan.
Bukas, June 1, ang huling gabi ng lamay para sa lolo ng mga bata kaya may panahon pa sila para magbigay-galang sa huling pagkakataon sa tatay ng kanilang ama.
Sana, payagan ni Regine na makita ng kanyang mga anak sa huling pagkakataon ang ama ni Lander.