Ang child actor na si Yuan Francisco ang gumaganap na sidekick ni Alden Richards sa Victor Magtanggol, ang upcoming prime time teleserye ng GMA-7.
Nagsimula ang acting career ni Yuan nang ma-discover siya sa isang mall at nang ibigay sa kanya ang role ni Pao-Pao sa remake ng Encantadia noong 2016.
Pamangkin ni Victor Magtanggol na nakakaalam sa mga sikreto nito ang karakter ni Yuan sa drama action-fantasy television series na pinagbibidahan ni Alden.
"Palagi akong sumasama sa kanya, kahit wala akong super power.
"Ako lang ang po ang nagsasabi ng ‘Go, Tito, go Tito. Taga-cheer po ako," ang explanation ng 8-year-old actor tungkol sa role niya.
On and off-cam, si Yuan ang kalaro at kakulitan ni Alden sa set dahil bukod sa mahilig sa bata ang bida ng Victor Magtanggol, magaan na katrabaho ang child star.
