Alfredo IV ang pangalang ibibigay ni Quezon City District House Representative Alfred Vargas at ng kanyang misis na si Yasmine Espiritu-Vargas sa kanilang baby boy na isisilang sa January 2019.
Dahil nag-aaral ang kanilang mga anak na sina Alexandra at Aryana (ages 6 and 7, respectively), na kapwa ipinanganak sa Italy, napagkasunduan ng mag-asawa na magsilang si Yasmine sa Pilipinas.
"I'm due in January 2019. This time, I’ll give birth here sa Pilipinas.
"Hindi ko kasi puwede iwan ang mga kids nang matagal at hindi ko sila puwede isama sa Italy dahil nasa grade school na sila," sabi ni Yasmine sa Cabinet Files.
Kasama ni Yasmine si Alfred sa check-up niya sa kanyang OB-Gyne noong August 10, at dito nila nalamang baby boy ang ipinagbubuntis niya.
"Pagkasabi ng doktora na boy, umiyak at tawa nang tawa si Alfred. Super cute niya!
"'Tapos parehas na kami umiiyak at tumatawa. Super special!" sagot ni Yasmine nang itanong ng Cabinet Files ang reaksiyon ni Alfred nang malaman nito na male ang gender ng bunso nila.