Alfred Vargas, suportado ang pagtakbo ng kapatid bilang Quezon City councilor

Kung may mga magkakapatid na nagkakaroon ng hindi pagkakaunawaan dahil sa kanilang mga political ambition—tulad nina Senator JV Ejercito at Jinggoy Estrada, Makati City Mayor Abby Binay at Junjun Binay—may mga magkakadugo na sinusuportahan ang pangarap ng kanilang mga kamag-anak.

Suportado ni Ara Mina ang kandidatura ng kanyang ama na si Chuck Mathay na nagbabakasakaling maging successor ni Herbert Bautista bilang mayor ng Quezon City sa 2019.

Buong-buo naman ang suporta ni Quezon City District V House Representative Alfred Vargas sa younger brother niyang si Patrick Michael "PM" Vargas na kakandidatong konsehal ng second district.

Sinusundan ni PM ang yapak ni Alfred sa public service dahil nanungkulan din ang aktor noon bilang konsehal ng second district ng Quezon City bago ito naging house representative noong 2016.

Nangako si Alfred na ikakampanya nito ang kandidatura ni PM na kasama sa Team JOY ni Quezon City Vice Mayor Joy Belmonte, na mahigpit na kalaban ng biological father ni Ara sa mayoral race.

Si PM ang chief of staff ni Alfred mula nang pumasok ito sa public service.

Sinabi ni Alfred na dahil healthy-looking si PM, ang "Pamilyang Malusog" o ang pagkakaroon ng malusog na pamilya ang isa sa mga advocacy ng kanyang kapatid kung sakaling palaring manalo.

 


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN