Janella Salvador, magsasalita na tungkol sa pananakit sa kanya ni Elmo Magalona

Binasag na ni Janella Salvador ang pananahimik tungkol sa isyu ng pananakit sa kanya ng ex-boyfriend na si Elmo Magalona sa isang bar sa Taguig City noong September 8, 2018.

Sa isang tell-all interview na naganap sa isang restaurant sa Quezon City kahapon, October 22, detalyado na ikinuwento ni Janella sa isang major publication ang mga insidente ng pisikal na pananakit sa kanya ni Elmo.

Nabanggit din ni Janella na nag-seek siya ng professional help para maka-recover mula sa traumatic experience niya.

Ang no-holds-barred interview kay Janella ang inaasahang katapusan na ng relasyon nila ni Elmo at hudyat ng pagkabuwag ng kanilang love team—ang ElNella.