Sina Amy Austria, Ogie Alcasid, Rodjun Cruz, ang veteran actress na si Caridad Sanchez, Edgar Mortiz, Isabel Rivas at ang daughter-in-law nitong si Nadine Samonte ang ilan sa mga celebrity na namataan naming maagang dumating sa huling lamay para kay Teejay Cruz sa Premier Chapel ng Funeraria Paz sa Manila Memorial Park, Parañaque City, kagabi, November 24.
Si Teejay ang panganay na anak nina Tirso Cruz III at Lyn Ynchausti Cruz na pumanaw noong Miyerkules, November 21, dahil sa lymphatic cancer sa edad na 37.
As expected, maraming tao ang dumating at nakiramay sa pamilya na naulila ni Teejay.
Kakaiba at nagmarka sa lahat ang huling gabi ng burol ni Teejay dahil sa "Every Praise" dance number ng mga nagmamahal sa kanya.
Nakabawas sa lungkot na nararamdaman ng mga nakiramay ang pag-awit at pagsasayaw ng papuri sa Diyos na pinangunahan ni Tirso, ng kanyang mga anak na sina Bodie at Djanin, at ng pamangkin niyang si Rodjun.
Bakas pa rin sa mukha ng ina ni Teejay ang matinding lungkot.
Pero sa kanyang Instagram post noong Sabado ng umaga, muling pinasalamatan ni Lyn nang paulit-ulit ang Panginoong Diyos para sa kanilang mga dininig na panalangin.
“I was telling my husband a couple of years ago that I’ve been praying that we could all go back to Disneyland with our adult children just to enjoy and pretend that they were kids again.
“The Lord made this happen for 5 of us to bond in Japan last April.
“Thank you Lord for answering my prayer! Thank you Lord for the beautiful memories! Thank you that we got to bond and enjoy each other’s company! Thank you for the fun! Thank you for my family! I love them all!
“We will be missing you TJ, but I am comforted that mas maganda and nilalakaran mo ngayon because you are walking in heaven’s streets of gold with your Creator, our Heavenly Father! We love you anak! We love you TJ!
“Revelation 21:21 And the twelve gates were twelve pearls, each of the gates made a single pearl, and the street of the city was pure gold, like transparent glass.”