Ang distant relative niya si Coco Martin ang rebelasyon ni Maine Mendoza sa presscon ng Jack Em Popoy: The Pulis Credibles, na kasalukuyang nagaganap sa isang events place sa Quezon City.
Ikinuwento ni Maine na nalaman niyang magkamag-anak sila ni Coco dalawang linggo bago nag-umpisa ang shooting ng pelikula nila na official entry sa 44th Metro Manila Film Festival.
Natuklasan ni Maine ang katotohanan nang magkaroon ng reunion ang pamilya nila sa Bulacan at nang makita niya ang kanilang family tree.
Kinumpirma ni Coco ang pahayag ni Maine dahil tinanong niya ang kanyang lola tungkol sa mga kamag-anak nila sa nabanggit na probinsiya.
Si Maine ang love interest ni Coco sa Jack Em Popoy.
Ang pagiging distant relatives nila ang dahilan kaya walang kissing scene ang dalawa sa unang pagsasama nila sa pelikula.