Wagas ang pagluha ng singer-actress sa rehearsals para sa taping ng kanilang Sunday television show dahil tumagos sa puso niya ang hugot line spiels na kanyang binabasa.
Nagulat ang mga kasamahan ng singer-actress sa biglang pag-iyak nito kaya nagduda silang may pinagdaraanan ang love life niya na makulay at intriguing.
Tungkol sa pakikipagrelasyon ang spiels na ipinabasa sa singer-actress, na umiyak nang umiyak dahil hindi niya nakontrol ang lungkot na nararamdaman.
Nang matapos ang rehearsal ng singer-actress, tinukso siya ng kanyang mga co-star sa show para gumaan ang sitwasyon at ang pakiramdam niya.
Unfortunately, hindi mapapanood sa telebisyon ng mga mahihilig sa intriga at kontrobersiya ang controversial crying scene ng singer-actress dahil nangyari ang insidente sa rehearsal at hindi sa actual taping ng show.
Very secretive ang singer-actress kapag ang personal life nito ang sangkot kaya malabo na magsalita siya at sabihin ang tunay na dahilan ng todo na pag-iyak niya.