Protégé ni Joyce Bernal ang direktor na si Irene Villamor at siya ang creative producer ng Ulan, ang pelikula ng Viva Films na pinagbibidahan nina Nadine Lustre at Carlo Aquino.
May playdate itong March 13, 2019.
Si Irene ang sumulat ng kuwento at direktor ng blockbuster movies na Camp Sawi, Meet Me in St. Gallen, at Sid & Aya: Not A Love Story.
Pero may special spot sa kanyang puso ang Ulan dahil ang script nito ang kauna-unahang isinulat niya noong nag-aaral pa siya sa UP.
"This is my first ever script originating from a short story I wrote thirteen years ago and also from a directing class video exercise in UP Film,” sabi ni Irene.
Nagpapasalamat ang direktor kay Viva Films producer Vic del Rosario dahil ito ang nagbigay ng green light para gawin niyang full-length movie ang Ulan, na hindi isang ordinary love story dahil tungkol din sa pagmamahal sa sarili ang pelikula.
Umabot ng siyam na buwan ang production ng Ulan dahil sa mahihirap na eksena na kinunan ni Irene, tulad ng iba’t ibang mga klase ng ulan na simbolo ng mga nangyayari sa buhay ni Maya, ang karakter na ginagampanan ni Nadine.
"Production took nine months and Viva allowed me to shoot fewer sequences a day (hence more shooting days than I’m used to) because of the difficulty of mounting the scenes.
"I am again working with my production designer Ferdi Abuel who has created the design for all my films and it was a great joy collaborating with master director of photography Neil Daza.”
Marami ang nag-aakalang suspense-thriller movie ang Ulan dahil sa mga tikbalang na napapanood sa trailer.
Mahalaga ang mga tikbalang sa kuwento ng pelikula at ito ang isa sa mga challenge na naranasan ni Irene bago inumpisahan ang principal photography.
Nagkaroon ng tatlong "look test" ang mga tikbalang na ginamit sa Ulan dahil sa kagustuhan ni Irene na makuha ang tama na hitsura nila.
Weird but true, may "ulan look test" din si Irene dahil tiniyak nitong mapapanood sa pelikula ang lahat ng uri ng ulan na importante sa kuwento, at kinailangang pinturahan ang lahat ng dingding ng isang bahay na ginamit na set.
Lastly, grateful si Irene kina Nadine at Carlo dahil magagaling na artista at magaan na katrabaho ang dalawa.
Sabi ni Irene, "Nadine as Maya gave the movie a different feel that I didn’t expect.
"I told her I needed to see this movie as a journey with her and she gave me a very good ride.
"We bonded over a lot of womanhood stories and being goddesses, ha ha ha!"