Happening now: ang pagkikita ng magkapatid na Claudine at Gretchen Barretto.
Umaga pa lang, nagpunta na si Claudine sa Forbes Park residence ni Gretchen at ng long-time partner nitong si Tonyboy Cojuangco.
May pasalubong si Claudine na mga alimango at sugpo mula sa Roxas City, samantalang nagpahanda naman si Gretchen ng mga pagkaing pinagsasaluhan nila ngayon ng kanyang kapatid na bunso.
Muling nagkasundo ang estranged sisters sa Resorts World Manila bago naganap ang Chinese New Year noong February 5, 2019.
Since then, nagkaroon ang dalawa ng constant communication at nang ma-confine si Claudine sa ospital, si Gretchen ang nag-alaga at nag-asikaso sa kanya.
Ngayon lamang natuloy ang pagbisita ni Claudine sa bahay nina Gretchen at Tonyboy dahil sa hospital confinement niya.
Ikinatuwa ng mga supporter ng magkapatid ang pagbabati nila dahil muling napatunayang "blood is thicker than water."
