Kinumpirma ni James Reid sa February 28 presscon ng The Cr3W na postponed ang filming ng kanyang fantasy-action movie na Pedro Penduko: The Legend Begins.
Nagkaroon kasi siya ng shoulder injury sa martial arts training niya para sa nabanggit na movie project.
"I am still recovering but while recovering, I have other project, another movie I will be doing.
"But I don’t think I can just say it yet and also the concert [The CR3W]," sabi ni James.
Hinihintay niyang gumaling ang kanyang shoulder injury bago umpisahan ang shooting ng Pedro Penduko.
"I am happy for her," sagot ni James nang tanungin tungkol sa opinyon niya sa Ulan, ang unang pelikula sa Viva Films ng kanyang girlfriend na si Nadine Lustre na hindi siya ang kapareha.
"I was so impressed by the trailer, it looks amazing. I am really very excited for her, I’m very happy for her," sabi ni James.
Ang The CR3W ang major concert nina James, Sam Concepcion, at Billy Crawford sa Smart Araneta Coliseum. Magaganap ito sa April 5, 2019.
Special guests sa The CR3W ang girlfriend ni James na si Nadine, ang asawa ni Billy na si Coleen Garcia, at si Yassi Pressman, ang kaibigan ni Sam na walang girlfriend sa kasalukuyan kaya nagbirong naiinggit siya sa mga kasama niya sa concert.
Naging consolation na lang ni Sam ang mga sinabi nina James at Billy na iniidolo siya ng dalawa at isa siya sa pinakamagaling na male singer sa Pilipinas.