Hindi pa naglalabas ng reaksiyon o pahayag si Tarlac Second District board member Arron Villaflor tungkol sa alleged private video controversy na iniuugnay sa kanya.
Nababahala ang mga nagmamalasakit sa political career ni Arron dahil sa mga video interview sa aktor na pinirata ng mga content creator.
Bago nag-umpisa ang media conference para sa pelikulang pinagbibidahan nila ni Archi Adamos, ang Pater Noster, nainterbyu ng Cabinet Files at ng ABS-CBN si Arron sa backstage ng Viva Café noong Pebrero 27, 2026.
Pero sa mga video na walang pahintulot ginamit ng mga mapagsamantala at hindi patas lumabang content creators, pinalitaw nila na ang panayam kay Arron ang sagot nito sa maselang isyung pumutok at pinag-usapan noong Sabado, Pebrero 28—isang araw matapos maganap ang panayam sa kanya sa presscon ng pelikula nila ni Archi.
Sa panayam ng Cabinet Files kay Arron, ibinahagi nito ang opinyon tungkol sa kanyang mga eksena sa VMX (dating Vivamax) movies na ginawa niya at pinalilitaw na scandal.
“Okay yan. Nakakatulong sa akin yan!” natawang sabi ni Arron.
Pero dapat linawing nagsalita siya tungkol sa mga isyu ng video scandal bago pa naging isang malaking usapin ang kumalat na alleged private videos ng mga kilalang personalidad sa entertainment industry.
Read: Arron Villaflor: "No more sexy roles."
ARRON WAS PREPARED TO LOSE IN THE ELECTION
Ikinuwento rin ni Arron sa Cabinet Files na handa siyang matalo sa kanyang kandidatura noong Mayo 2025 bilang bokal ng ikalawang distrito ng lalawigan ng Tarlac.
Saad niya: “Actually, I was ready to lose the election kasi considering that my opponents are incumbent. They’ve been in politics for a long time.
“I am a neophyte, I am young compared to them. So, somehow, sabi ko, okay lang kahit matalo tayo.
"At least, I did my best. I did my part.
“Actually, naka-ready na ako noon to stabilize my life in Siargao kasi nature is my medicine.
“But I guess, it’s my calling. Masarap ang pakiramdam [nang manalo] kasi sa lahat ng pagod namin during the campaign, hindi mo mapapalitan o mababayaran.
"I know it’s tiring kasi we go out every day but then again, nasuklian naman ng maganda and serving my people is always my choice.”
Pinalad manalo si Arron sa nakaraang eleksyon kaya hindi natuloy ang kanyang planong paninirahan sa Siargao.
Read: Arron Villaflor, biglang umakyat ang bilang ng IG followers