Naniniwala si Baguio City Mayor Benjamin Magalong na siya ang tinutukoy ng aktor at Leyte Fourth District representative na si Richard Gomez sa Facebook post nito.
May tila pa-blind item si Gomez tungkol sa city mayor na masyadong gumagawa ng ingay at nag-aakusang sangkot sa korapsyon ang mga kongresista dahil sa maanomalyang proyekto sa flood control.
Read: Cong. Richard Gomez, pinasaringan si Mayor Benjamin Magalong?
Bagamat walang binanggit na pangalan si Gomez, malakas ang kutob ni Magalong na siya ang tinutukoy ng actor-politiian.
Sa panayam kay Magalong ng One PH noong Miyerkules, Agosto 20, 2025, sinabi niyang ikinalungkot niya ang mga paratang ni Gomez.
“Alam mo nalulungkot ako dahil kaibigan ko siya. Tapos alam mo, honorary member pa siya ng klase namin,” sabi ni Magalong.
Nagtapos si Magalong na magna cum laude sa Sandigan class ng Philippine Military Academy (PMA) noong 1982, kung saan honorary member si Gomez ng kanilang klase.
Nagtataka raw si Magalong sa reaksiyon ni Gomez dahil sa pagkakaalam niya ay magkaibigan sila.
Saad pa ng Baguio City mayor: “Sa tingin ko siguro baka ako yung tinutukoy kaya nakakalungkot lang.
“Hindi ko alam kung bakit siya nagsasalita nang ganoon.
"Unang-una, klaro naman yung binabanggit ko tuwing interbyu ko na marami rin matitino diyan sa House of Representatives.
“Pero I finally realized na it’s useless to argue. Sabi nga nila, 'argument is wasted when the truth doesn’t make a mark.'
“Kung sanay ka sa dark, sa madilim na lugar, mahirap ka talagang makakita ng maliwanag kaya hayaan ko na lang.”
RICHARD GOMEZ'S FACEBOOK POST
Hindi pa nagbibigay ng reaksiyon si Gomez sa sagot ni Magalong tungkol sa kanyang kontrobersyal na social media post.
Pero ibinahagi ng actor-politician sa Facebook page nito ang link ng isang artikulong may headline na "Lahat kami nadadamay! Manila Solon Backs Richard Gomez Vs Mayor’s Sweeping Corruption Claims."
Gumawa ng ingay ang social media post ni Gomez noong Miyerkules dahil sa kanyang maanghang na pahayag.
Nakasaad dito: “Why is this city mayor making so much noise? It doesn’t surprise me anymore that this so-called 'clean' mayor is throwing accusations of corruption at us congressmen.
“Corruption has become the easiest issue to ride on nowadays, but let’s be honest, I don’t think this is all about corruption.
“If this is about his own congressman, who happens to bring in more projects for his district than he can for his city, don’t include all of us. If you have a problem with your congressman, face him.
“Don’t drag all of us into your fight. Don’t discredit every congressman just to make yourself look good.
“You talk nonstop about corruption in Congress, why? Because it’s an easy headline?
“Meanwhile, your own city is drowning in problems: the air quality is getting worse, there’s not enough public transport, the waste disposal system is broken, the city is overcrowded, illegal structures are all over and the urban planning is in shambles.
"Maybe it’s time to fix your own house first before pointing fingers at others. Mahiya ka naman.”