Nangako at nagbitaw ng salita ang mga miyembro ng Cup of Joe na sina Gian Bernardino, CJ Fernandez, Rapha Ridao, Xen Gareza, at Gab Fernandez na walang kakalas sa kanilang grupo dahil hinding-hindi raw sila maghihiwalay.
“Hindi po,” sabi nina Xen at CJ.
“Cup of Joe forever. May tattoo na po ako ng COJ,” reaksiyon naman ni Rapha.
Sinang-ayunan ito ni Gian dahil nagpa-tattoo na rin siya ng "COJ" sa kanyang katawan.
Plano rin daw ni Gab na magpalagay ng tattoo ng "COJ."
Read: SB19, Ogie Alcasid, stars congratulate BINI on Coachella performance
CUP OF JOE CONCERT AT PHILIPPINE SPORTS STADIUM
Muling humarap ang Cup of Joe sa entertainment press ngayong Miyerkules, Abril 15, 2026, para sa kanilang concert na Sandali.
Gaganapin ang kanilang concert sa Philippine Sports Stadium sa Bocaue, Bulacan, sa Mayo 23, 2026.
Matagumpay ang mga nakaraang concert ng Cup Of Joe, pero ipinagtapat nila ang nararamdamang "pressure" para sa Sandali dahil sila ang kauna-unahang OPM artists na magtatanghal sa Philippine Sports Stadium.
Saad ni Rapha: “It’s a different environment.
“Outdoor and kami ang first OPM artists to perform there so, parang, wow!
"We feel a little bit of pressure kasi this concert is not just for us.
“It’s for everyone who supported us through the years so we want to show them na we really appreciate all their love and support kaya we want to make this one of the best festivals out there.
“Yung planning and everything, medyo mahirap, but it’s all part of the process kaya na-enjoy namin.
"Kasi it’s all for yung passion namin. We don’t see it as something na mahirap na gusto lang naming tapusin.”
Read: Cup of Joe takes fans on a cosmic journey in Stardust concert
GIAN RECOMMENDS SPLASH ZONE AREA
Kinumpirma naman ni Gian na sold out na ang tickets para sa seated sections ng concert venue, pero inirerekomenda niya sa manonood na subukan ang Splash Zone area para sa isang kakaibang karanasan.
Aniya: “Ang alam ko po na sold out na yung seated sections so meron pa pong Splash Zone tickets, which is nasa pinaka-floor na standing.
"And personally, itong Sandali ang parang dream festival namin, like, in the POV of an audience.
“Parang we built the idea of that, and meron pang Splash Zone tickets, which for us is gonna be the most enjoyable experience.
“Water festival siya so magbabasaan tayo, which is pangarap namin, and sana ready rin ang audience na magbasa.
"Kilala namin kayo, gusto ninyo yon."
Binanggit din ni Gian ang mga dapat abangan sa kanilang upcoming concert.
“Meron kaming individual performances, babalik yung dalawang sub-units namin na Pink Penoy Club and Pink Soda na ginawa namin nung second concert.
“There’s gonna be a cart na sasakyan namin to make libot the stadium.
"Kamikazee is gonna be one of our guests and other artists.
"New sounds from our new EP entitled 'Sandali.'
"New arrangement ng songs, fireworks, water cannons, and basically, parang nananaginip ka na may lagnat ka," saad ni Gian.
Read: Why did Justin Bieber use YouTube during his Coachella set?