Nagsampa ng reklamong cyber libel ang aktres at dating beauty queen na si Michelle Dee laban sa content creator na si Christian Albert "Xian" Gaza at ilang social media pages.
Ito ay dahil sa pagpapakalat umano ng fake news ng mga ito laban sa kanya.
Kasama ang kanyang legal counsel na si Atty. Maggie Abraham-Garduque, nagtungo si Michelle sa tanggapan Cybercrime Division ng National Bureau of Investigation (NBI) ngayong Lunes ng umaga, Pebrero 16, 2026.
Hiniling nila sa NBI Cybercrime Division na imbestigahan ang mga personalidad na nagkalat ng malisyoso at fake news tungkol kay Michelle na may kaugnayan sa kasong isinampa nito laban kay Bonifacio Baro, ang driver at personal assistant ni Rhian Ramos na inakusahan niya ng pagnanakaw ng angpao na naglalaman ng mga sensitibong imahe.
Read: Rhian at Michelle, inireklamo ng torture at illegal detention
MALICIOUS AND DEFAMATORY
Ayon kay Michelle, malisyoso at public defamatory imputations laban sa kanya ang mga social media post ni Gaza.
Inireklamo rin ni Dee ang mga social media page na Sarap Pinoy, Bagong Umaga News, Pinoy Star Buzz dahil sa mga libelous post.
Kabilang dito ang diumano’y pagpunta ni Michelle sa airport para takasan ang kasong inihain ni Baro laban sa kanya, ang pagsasalita umano ni Max Collins na nasaksihan nito ang pananakit na ginawa nina Dee at Ramos kay Baro, at ang imbentong balita na nakita raw ni Melanie Marquez ang isang sensitibong video niya.
Read: Michelle Dee, sinampahan ng qualified theft ang driver ni Rhian