Tumatanggap ngayon ng matinding batikos si Miss Grand International (MGI) Organization president Nawat Itsagrisil dahil sa pang-iinsulto nito sa dethroned Miss Grand International 2024 titleholder na si Rachel Gupta.
Hindi lamang ang mga kababayan ni Rachel sa India ang kumokondena kay Nawat, kundi maging mga taong naniniwalang lumalampas na sa kagandahang-asal ang mga salita nito laban sa beauty queen.
“No one want her because her armpit stinks... She very smell armpit a lot,” sabi ng Thai businessman patungkol sa diumano’y amoy ni Rachel.
Para sa karamihan, lantarang pambabastos at pagpapakita ng kagaspangan ng ugali ang sinabi ni Nawat sa panayam sa kanya tungkol sa Indian beauty queen.
Inilahad ni Nawat sa wikang Thai ang panglalait kay Gupta.
Hiningi ng Cabinet Files ang tulong ng aming Thai friend na si Dada Nawanghin upang isalin sa wikang Ingles ang sinabi ni Nawat.
Ayon sa MGI president, base sa translation, may amoy ang kili-kili ni Gupta at hindi umano ito malulutas ng paggamit lamang ng deodorant.
Itinanggi ni Nawat na binu-bully niya ang Indian beauty queen, pero sinundan niya ito ng nakaka-insultong pagtawa.
Read: Miss Grand International 2024 Rachel Gupta: resigned or dethroned?
RACHEL GUPTA ACCUSES MGI OF HARASSMENT
Bago pa nangyari ang personal na paninira ni Nawat kay Gupta, nauna nang nagsalita ang Indian beauty queen sa ipinatawag niyang media conference tungkol sa "harassment" na ginagawa umano ng mga namumuno sa Miss Grand International Organization.
Pahayag ng Indian beauty queen: “The organizers have a very long history of sexually harassing women in front of the whole world, in terms of the kind of comments they make, the derogatory remarks…
“I guess it started when their pageant started, there’s a history back in 2015 with Miss Iceland, in 2022 with Miss Vietnam.
“And you can imagine when working with such an organization, two things are relevant.
"Number one, I had a front-row seat to all these statements.
“When we were judging the Miss Grand talent shows—or any shows, really—I have a front-row seat to hear all of the disgusting, defamatory, derogatory remarks they make about women, about their bodies, about just the most irrelevant things.
“It used to make me feel ashamed that I'm sitting next to these people.”
Read: Rachel Gupta reveals MGI's "harrassment, mental torture, mistreatment"
Napatunayang may bahid ng katotohanan ang pahayag ni Rachel dahil sa ikinakalat ngayong tsismis ni Nawat tungkol sa amoy ng Indian beauty queen.
Ikinatuwa at ipinagbunyi ng mga Pinoy pageant fans ang pagsasalin ni Nawat ng Miss Grand International 2024 crown at title sa first runner-up na si Christine Juliane “CJ” Opiaza ng Pilipinas.
Pero pinayuhan nila ang Filipina beauty queen na maging maingat at mapagmasid dahil baka maranasan din niya ang mga nangyari kay Rachel.
Isa sa mga inireklamo ni Rachel laban sa Miss Grand International Organization ang ipinagawa sa kanyang pagbebenta sa TikTok ng mumurahing produkto, na labag sa kalooban niya.
Himutok niya: "They make us sell these cheap tacky products on TikTok, like, we were salesgirls.
"I mean, you crowned queens, girls. Like, we have careers in our country.
"We do things, we’re well-respected, and you’re making us sell cheap products on TikTok because it makes them money.
"And you can’t say no coz the boss is asking you to do it.
"But I used to feel so guilty. People are spending their hard-earned money to buy these disgusting cheap products.”
Nag-aabang ang Pinoy pageant fans kung ipag-uutos at ipagagawa rin ng Miss Grand International Organization kay CJ ang pagbebenta sa TikTok ng "cheap tacky products."
Read: CJ Opiaza becomes first Pinay to win Miss Grand International