Totoo bang lilipat na sa GMA Network si Popstar Royalty Sarah Geronimo?
Ito ang katanungan ng mga nakabasa sa social media post na may litrato ng singer-actress, may logo ng Viva at GMA-7, at may caption na: "Just a business decision nothing personal. Big announcement soon!"
Para sa ikapapanatag ng kalooban ng loyal Sarah fans, walang malaking announcement na mangyayari dahil walang katotohanan ang balita.
Upang hindi maging biktima ng fake news ang mga supporters ni Sarah, ang mga official announcement ng Viva Artists Agency (VAA) ang kanilang hintayin at paniwalaan.
Ang VAA ang nangangalaga sa showbiz career ng Kapamilya star.
Isa lamang si Sarah sa mga artista ng ABS-CBN na ibinabalitang lilipat sa ibang TV stations dahil sa pagsasara ng Kapamilya Network.
Pero salat ito sa katotohanan.
Totoong may ibang Kapamilya stars na lumalapit sa ibang TV network para mabigyan ng trabaho, pero mas marami ang mga artista ng ABS-CBN na nangingibabaw ang loyalty at may respeto sa kontratang kanilang pinirmahan.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika