Ang WilBea loveteam nina Bea Binene at Wilbert Ross ang mga bida sa Golden Scenery of Tomorrow, ang isinadulang Wattpad University series book ni Gwy Saludes.
Si Saludes din ang may-akda ng romantic series na The Rain In España; Safe Skies, Archer; Chasing in the Wild; at Avenues of the Diamond.
Mula nang umalis si Bea sa bakuran ng GMA-7 noong 2022, hindi na siya nagkaroon ng kapareha.
Pero nangyari uli ito nang magtambal sila ni Wilbert sa Golden Scenery of Tomorrow.
Read: 48th Gawad Urian: Dennis Trillo wins Best Actor for Green Bones
Saad ni Bea: “After GMA 7, nagkakaroon po tayo ng mga project na nagkaroon ng kasama sa show.
"But yung masasabing loveteam talaga, ngayon lang ulit dito sa Viva. I am very excited.
“Napaka-talented ni Wilbert.
"Dati ko pa naman sinasabi na I feel like Wilbert is such a very reliable loveteam, at napatunayan ko yon.
“I think masuwerte ka kapag nakahanap ka ng katrabaho at kapartner dito sa industriya that really takes care of you at hindi lang yung mema."
Dagdag pa ng aktres: “I feel very blessed to do this project with Wilbert.
"For this series, we want to know each other more and, I think, we’re still getting to know each other more.
“Dito sa series na ito, talagang we became really closer.
"He’s very into arts. Ako po, medyo maarte lang po ako. Talagang healthy lifestyle siya. Ako, medyo-medyo lang po.
"Pero there are things naman na nagkakasundo kami,”
Mapapanood ang Golden Scenery of Tomorrow sa Viva One simula sa Oktubre 17, 2025.
Read: MMFF 2025: Will-Bianca-Dustin movie makes it to Final 4
WILBERT ON BEA
Gaya ni Bea, nagpapasalamat din si Wilbert dahil silang dalawa ang napili bilang mga pangunahin na tauhan sa Golden Scenery of Tomorrow.
Pero inamin ng singer-actor na nagkakaroon din sila ng mga hindi pagkakaunawaan.
Sabi ni Wilbert: “Sobrang thankful ko din na si Bea ang loveteam ko sa series na to.
“May mga differences po kami, pero tina-try namin na i-influence ang isa’t isa sa mga positive.
"Minsan sinasabihan kita [Bea], ini-encourage kita sa mga healthy things na dapat gawin.
“Tapos, lagi niya akong pinapakain sa set. Lagi siyang may ipinapatikim na pagkain sa akin.
"Okay naman po kami, we’re friends, sabi niya.”
Tiniyak ni Wilbert na hindi na sila naiilang ni Bea sa isa’t isa.
Saad ng aktor: “Okay naman po kami sa working relationship namin. Magaan lang.
"Kasi before, medyo may akwardness. Walang chance kasi wala kaming scenes together sa other books [ng ibang University series].
"Wala kaming masyadong chance to know more about each other. Ngayon po medyo kilala na namin ang isa’t isa sa mga bagay-bagay.”
Read: Ilang RabGel fans, kinastigo sa "inappropriate comments" sa AshDres