Not for sale ang COVID-19 vaccines.
Ito ang paalala ng National Task Force (NTF) Against COVID-19, kasunod ng mga lumabas na impormasyong pagbebenta diumano ng COVID-19 vaccine slots.
“We would like to remind everyone that anti-COVID vaccines are FREE for all qualified citizens. They are not for sale.
“Thus, the selling of vaccines or of the priority slots is deemed illegal and punishable by law," ayon sa statement ng NTF nitong Sabado, May 22, 2021.
Babala ng NTF, parurusahan ang sinumang napatunayang nagbebenta ng bakuna dahil ilegal ito.
"For those who are engaged in the unauthorized sale of anti-COVID vaccines, we ask you to stop what you are doing.
"The long arm of the law will soon catch up on you."
"We assure the public that individuals who are involved in this prohibited scheme will be penalized."
Sabi pa rito, ang lahat ng available na vaccine brands na ginagamit sa bansa ngayon ay “procured by the national government and are currently being administered have only been given Emergency Use Authorization (EUA).
“They are not for commercial distribution.
"Likewise, the priority slots are strictly intended for the A1, A2 and A3 priority groups only."
Kabilang sa A1 ang frontline health workers, habang ang A2 category ay pagtukoy sa senior citizens.
Pasok naman sa A3 category ang mga taong may comorbidities na “vulnerable” sa matinding COVID-19 infections.
Sa A4 category naman, kabilang dito ang grupo ng frontline workers sa essential commercial sectors.
Inilabas ng NTF ang pahayag matapos maglabas ng paalala noong nakaraang linggo ang Department of Interior Local Government na iimbestigahan nito ang ilang ulat ng diumano’y vaccine slot selling.
Naglunsad din ng kani-kanilang imbestigasyon ang ilang local government units, kagaya ng San Juan at Mandaluyong City.