Nitong nakaraang araw, isang “public service advisory” na nakapaskil sa entrance ng isang supermarket ang nag-viral sa Facebook.
Nakasaad dito (published as is):
“16 yrs. Old to 65 yrs. Old ARE NOT ALLOWED TO ENTER THE STORE
“Under supervision of IATF all business establishments will not allow to enter at the age of 16 yrs. old to 65 yrs. old under GCQ / General Community Quaranty.”
Pinost ito ng automotive journalist na si James Deakin sa kanyang Facebook, at ilan sa mga followers nito ay nagpiyesta.
Kasi, finally, meron na raw establisiyemento na papapasukin ang mga minors at seniors.
May mga magulang na "nag-alala" kasi, kung susundin ang advisory, maiiwan sila sa labas ng supermarket at ang anak nila ang gagawa ng grocery shopping.
Meron ding namroblema kasi wala silang minors at seniors sa household.
Hindi na ma-trace kung sino ang originator ng naturang post, pero may mga nakapagsabing kuha ito sa isang supermarket sa Pasig. May nag-comment ding nakita ito sa Tanza, Cavite.
Mabilis namang nag-respond ang supermarket at kinorek ang nasabing announcement.
Nakasaad sa comment na ini-screenshot ng isang netizen:
“We heard you! At napalitan na natin ang signage.
“At least napatunayan natin na nagbabasa talaga ang mga ka-Puregold! And most importantly, NAPATAWA namin kayo.
“Tuloy po kayo sa Puregold stores this weekend! 18 to 65 yo.”
Para sa kaalaman ng lahat at para hindi malito ang publiko, uulitin po natin na ang nakasaad sa safety protocol ng Inter-Agency Task Force for the Management of Emerging Infectious Disease sa ilalim ng General Community Quarantine:
"Any person below fifteen (15) years old, those who are over sixty-five years (65) of age, those with immunodeficiency, comorbidity, or other health risks, and pregnant women, including any person who resides with the aforementioned, shall be required to remain in their residences at all times, except when indispensable under the circumstances for obtaining essential goods and services or for work in permitted industries and offices."