Magsasara na ang Automatic Centre, a 70-year-old electronics retail store chain, sa October 10, 2021.
Sa liham na ipinadala nito sa mga business partners noong September 8, sinabi ni Automatic Centre president and chief executive officer Geoffrey Lim na labis na naapektuhan ng COVID-19 pandemic ang business.
Tiniyak naman niya sa mga ito na kikilalanin ng kumpanya ang kanilang mga obligasyon at makikipagtulungang mabuti para matiyak ang maayos na transition at closing process.
Matapos ang announcement, nag-post ang isang empleyado ng Automatic Centre na si Francis Mel J. Ramos ng pasasalamat sa kumpanya sa malaking tulong na nagawa nito sa mga pamilya nila, at sa masasayang alaala na kanilang pinagsaluhan.
Sinabi rin ni Lim na naghahanap ang kanilang pamilya ng mga interesado na gamitin o i-adopt ang Automatic Centre brand na 70 taon ang naging operasyon.
Ang kumpanya ay itinatag noong 1948 ni Benito Lim at may 20 branches sa Metro Manila.