Tatanggap pa ang Department of Education (DepEd) ng enrollees para sa School Year 2021-2022 hanggang September 30, 2021.
Ito ang inihayag ni DepEd Undersecretary Revsee Escobedo noong September 13.
Ayon sa opisyal, “Umaasa po tayo na sa buwang ito ay mas mahihigitan natin ang numero ng enrollment natin noong nakaraang school year 2020–2021.
“Dahil ngayong September 13, 2021, sa pagbubukas ng klase ay mayroon na kaagad tayong 24.6 million enrollees.”
Sinabi niyang maglalabas ang DepEd ng memorandum para sa magiging schedule ng late enrollment.
Sa kasalukuyan, 24,603,822 million learners ang naka-enroll sa pribado at pampublikong paaralan sa buong bansa.
Nasa 198,297 learners naman ang nagpatala para sa Alternative Learning System.
PEP Live