May 2,580 bakanteng posisyon sa iba’t ibang tanggapan ng pamahalaan.
Ito ang ibinalita ng Civil Service Commission (CSC) kasabay ng pagbubukas nito ng 2021 Government Online Career Fair (GOCF) noong September 21, 2021.
Ayon kay CSC Commissioner Aileen Lizada, “We invite all job seekers to register.
"Everything, the whole process, is for free. There will be no charges for any step of hiring process.”
Sinabi rin niya na ang ilang generic positions ay hindi required ang professional o sub-professional eligibility, gaya ng Administrative Aide 1 to 5.
Katuwang ng CSC ang JobStreet Philippines sa ginanap na pagbubukas ng GOCF.
Sa mga bakanteng posisyon, 765 dito ay first-level positions (clerical, administrative, trades, crafts); 1,811 para sa second-level positions (technical, managerial), at apat sa third -level positions.
Maaaring ma-access ng mga applicants ang online job fair sa http://www.csc.gov.ph/, at i-click ang GOCF banner sa itaas ng homepage.
Ang job applicants ay dapat na may account sa JobStreet.
Maaari silang mag-open ng account sa JobStreet.com.ph. Ito ay libre.
Huwag kalimutang i-fill out ang Personal Data Sheet at i-upload ito sa JobStreet account.
Tatagal ang job fair hanggang September 24.