Inabisuhan ng Bangko Sentral ng Pilipinas (BSP) ang publiko na ang 20-Piso New Generation Currency (NGC) banknotes ay nananatiling legal tender at maaari pang gamitin sa mga pang-araw-araw na transaksyon.
Sa inilabas na pahayag ng BSP nitong September 28, 2021, sinabi nito na ang 20-peso NGC banknotes ay unti-unti nang aalisin sa sirkulasyon “through natural attrition or until they become unfit for recirculation."
Sa Facebook post ng BSP ay sinabi rin nitong fake news ang kumakalat na text messages na ang 20-peso banknotes ay magiging demonetized na sa katapusan ng kasalukuyang taon.
Kaugnay nito, naglabas din ang BSP ng advisory sa mga bangko na i-promote ang distribution, recirculation, and mobilization ng bagong 20-peso coins.
Inilabas ng BSP ang bagong 20-peso NGC coin noong December 17, 2019.