Nagbukas muli ang Manila Ocean Park noong October 21, 2021 matapos makakuha ito ng go-signal sa gobyerno na mag-operate ulit.
Ang oceanarium na nasa likod lang ng Rizal Park ay open mula Huwebes hanggang Linggo, 10 a.m. to 6 p.m.
Ayon kay Manila Vice Mayor Honey Lacuna, tanging ang mga fully vaccinated visitors na edad 18-65 ang papayagang makapasok sa Manila Ocean Park.
"After a year of temporary closure brought about by the pandemic, we are hopeful that business like yours will get back on track," ani Lacuna sa pamunuan ng pasinayaan ang reopening ng oceanarium.
"You are conveying a clear message that we are getting through the darkest times and that we are almost getting out of the tunnel and beginning to see the light," dagdag pa niya.
Magpapatupad naman ng mahigpit na health and safety protocols ang Manila Ocean Park. Ang mga bisita ay kailangang:
- Laging magsuot ng mask.
- Mahigpit na sundin ang physical distancing. May nakatakdang markers at reminders para sa mga bisita.
- Laging maghugas ng mga kamay.
- Kailangang magpakuha ng temperature sa park staff bago pumasok.
- Kailangang mag-check in at mag-check out sa compound gamit ang contact tracing app ng park.
- Hangga’t maaari, iwasan ang mahabang pila, at bumili ng ticket online sa: https://www.manilaoceanpark.com/tickets.