The earlier, the better.
Dapat simulan ng mga Filipino na maging secure ang kanilang future sa pamamagitan ng Home Development Mutual Fund (Pag-IBIG Fund) membership program kapag sumapit na sila sa legal age.
Ito ang ipinayo ni Pag-IBIG Fund deputy chief executive officer Alexander Aguilar sa ginanap na press conference noong February 15, 2022.
Ayon kay Aguilar, "Pag-IBIG has two mandates. The first one is to promote generation of savings among Philippine workers, and the second one is to mobilize those funds collected from savings to finance housing."
Dagdag pa niya, “The earlier you save, the better for you, the more funds you will accumulate as you go on your professional life."
Ang mandatory minimum monthly ng isang Pag-IBIG Fund member na nagkakahalaga ng PHP100 ay napupunta sa Regular Savings facility.
Lumalago ito sa pamamagitan ng kinikitang dividends taun-taon.
Nag-o-offer din ang Pag-IBIG ng Modified Pag-IBIG 2 (MP2) Savings, isang special saving facility na may five-year maturity para sa mga members na nagnanais na makaipon nang mas malaki at kumita nang mas mataas na dividends bukod pa sa regular savings.
Sa MP2, mula sa required initial PHP500 savings, ang mga members ay maaaring magdagdag ng katulad na amount o mas mataas pa kada buwan, mag-invest ng one-time lump sum o magdeposito kahit anong oras.
Ang MP2 ay kikita rin ng dividends kada taon na may premium na 0.5 percent.
Bukas din ito sa mga pensiyonado at mga retirado na dating miyembro ng Pag-IBIG Fund.
Payo pa ni Aguilar, "You are not just saving, but providing emergency funds for your future needs.
"Plus the fact that if you are an active member of the Pag-IBIG Fund, you can get a housing loan."
Ibinalita rin ng opisyal na napakalaki ng itinaas ng koleksiyon ng Pag-IBIG Fund mula nang ipatupad ang MP2 program kahit may pandemya.
Noong isang taon, umabot sa PHP26 bilyon ang nakolekta ng ahensiya mula sa voluntary contribution.
Nakapaglabas naman ang Pag-IBIG Fund noong isang taon ng PHP100.8 bilyon para sa housing loans ng mga miyembro.
Sa nasabing halaga, pinondohan ng ahensiya ang 94,533 housing units ng mga miyembro nito na nagplanong magkaroon ng sariling tahanan.
Ito ang pinakamataas na naipautang ng ahensiya sa loob ng isang taon sa kabila ng umiiral na pandemya.
Paliwanag ni Aguilar, "We took a different position. We felt that instead of slowing down housing loans, we need to aggressively push it.
“Because when you extend loans, you create more houses and when you create more houses, you create more jobs."