Nilagdaan ni Pangulong Rodrigo Duterte ang Executive Order No. 162 noong February 14, 2022.
Ito ay nag-uutos na dapat kilalanin ang Philippine Identification (PhiIID) o Philippine Identification System Number (PSN) bilang sapat na proof of identification, at opisyal na government-issued identification document.
Naglalayon itong mapabilis angang lahat ng public at private transactions sa Pilipinas.
Sa ilalim ng EO 162, binanggit ng Pangulo ang "an urgent need to institutionalize the acceptance of the PhilID and PSN, as authenticated, as sufficient proof of identity and age in all government and private transactions, to improve efficiency in the delivery of social services, strengthen financial inclusion and promote ease of doing business."
Nakabatay ito sa Republic Act No. 11055, o ang Philippine Identification System Act, kung saan ang mga datos ng isang Pilipino na nakasaad sa kanyang PhilID ay dapat ikonsiderang sapat na katibayan ng kanyang identity at edad.
Inaatasan din ang lahat ng mga bangko at financial institutions na sumunod sa guidelines na inilabas ng Bangko Sentral ng Pilipinas at iba pang regulatory agencies tungkol sa PhilID, PSN o PSN derivatives.
Ang PhilID, PSN, at PSN derivatives ay maaaring ipakita bilang kapalit ng birth certificate para sa mga transaksyon na kailangang ma-establish ang edad.
Halimbawa, puwede itong magamit kung kukuha ng marriage license at tutubos ng student driver’s permit o conductor’s license, at sa pagpapatala ng mga estudyante.
Kikilalanin din ito sa pagpapatala para sa Philippine Education Placement test, aplikasyon para sa Professional Regulation Commission, at kung magpaparehistro sa Commission on Elections.
Ang PhilID at PSN ay walang expiration date at habambuhay na itong gagamitin ng cardholder.
Maaari itong i-update kung may kailangang baguhin gaya halimbawa kung lumipat ng tirahan, o nagpalit ng civil status.
Isang taon naman ang validity ng PhilID para sa mga dayuhang naninirahan sa Pilipinas.