Tiniyak ni Philippine Olympic Committee (POC) president Rep. Abraham “Bambol” Tolentino sa anak ni Lydia de Vega na si Stephanie Mercado-Koenigswarter na itatampok sa itinatayong POC Museum sa New Clark City, Capas, Tarlac ang mga naging achievements ng namayapang Asian sprint queen.
Ginawa ni Tolentino ang pangako nang dumalaw ito sa burol ni Lydia sa Heritage Park, Taguig City noong August 13, 2022.
Ani Tolentino, “Lydia’s legacy will forever be remembered. So we, the POC, are planning to put all her achievements on a wall inside the Olympic museum.
“Her achievements in the Southeast Asian Games, Asian Championships and Asian Games, among others, will be immortalized there in the museum.
“She’ll be an inspiration to all aspiring athletes.”
Ibinahagi rin niya na ang POC headquarters sa New Clark City ay malapit nang simulan.
“This is the first time that the POC will have a home of its own,” ani Tolentino. “And a museum will be built to aptly highlight this home.”
Matatandaang nagreyna noon si Lydia sa track and field competitions sa Asia. Nagkampeon siya sa Asian Games 100 meters sa New Delhi, India noong 1982, pati na rin sa Seoul, South Korea noong 1986.
Nakakuha rin siya ng dalawang 100 at dalawang 200 meters titles sa Asian championships sa Singapore noong 1983 at sa Kuwait noong 1987, at nakalolekta ng siyam na SEA Games gold medals mula 1983 hanggang 1987.
Sa August 15 ay dadalhin sa Meycauyan, Bulacan ang mga labi ni Lydia kung saan isang beses siyang nanungkulan bilang konsehal.