Good news sa mga members ng Pag-IBIG!
Puwede nang i-check ang inyong Pag-IBIG account pagkatapos ilunsad ang mobile app ng home mutual fund ng gobyerno.
Magkakaroon na ng access ang Pag-IBIG members para ma-view ang kanilang savings, annual dividends, payments history, mga loan balance at utang gamit ang mobile phone.
Inilunsad ng ahensiya ang Virtual Pag-IBIG Mobile App nitong Huwebes, August 18, 2022.
Bahagi ng pahayag ni Secretary Jose Rizalino L. Acuzar ng Department of Human Settlements and Urban Developmen,“Pag-IBIG Fund continues to bring its services closer to its members, this time through the use of information technology,”
Si Acuzar din ang nagsisilbing chairman ng 11-member Pag-IBIG Fund Board of Trustees.
Paano makakatulong ang mobile app sa Pag-IBIG members?
- Makikita ng mga members ang kanilang Pag-IBIG Savings at annual dividends
- Mako-confirm ang ipinadalang hulog at loan payments “made through all channels”
- Mamo-monitor ang kanilang mga loan balances at due dates.
Paano maa-acccess ang iyong account?
Para matiyak ang data protection and security, puwede itong ma-access sa pamamagitan ng Virtual Pag-IBIG account.
I-download lang ito mula sa Google Play at magiging available soon sa Apple App Store.
Sabi naman ni Pag-IBIG Chief Executive Officer Acmad Rizaldy P. Moti, makakaasa ang mga members na mas maraming serbisyo ang ibibigay sa pamamagitan ng Virtual Pag-IBIG Mobile App sa mga susunod pang linggo.
Ilan sa mga idadagdag na serbisyo ay ang online application para sa housing and cash loans, at online payments.
Ani Moti, “We developed the Virtual Pag-IBIG Mobile App following the success of our online service facility, the Virtual Pag-IBIG, which has now served over 3.6 million members since its launch in 2019.”
“And, just like our online service facility, we shall continuously develop our mobile app to have our full range of services so that it can provide all our members another safe, convenient and secure means of accessing their Pag-IBIG benefits, 24/7.”
Hangad daw nilang maibigay ang convenience sa mga members right at their fingertips.
Related articles:
- 18 years old ka na? Simulan nang i-secure ang iyong future sa Pag-IBIG Fund
- Bakit maraming nae-engganyo ng Pag-IBIG MP2 Savings?
- ALAMIN: Paano i-check ang PAG-IBIG Fund contributions?