Good news para sa female employees sa La Union kapag dumating ang kanilang monthly “bisita!"
Hindi magtatagal, puwede na silang mag-avail ng Menstruation Privilege sa tuwing dumarating ang kanilang monthly “bisita."
Sa ilalim ng ordinansang ito, ang mga female employees ay maaaring lumiban sa pagre-report sa office at sa bahay na lamang magtrabaho two days a month kapag dinatnan sila ng heavy period.
Nilagdaan ni La Union Governor Raphaelle Veronica Ortega-David ang Executive Order No. 25 o Menstruation Privilege nitong Martes, October 18, 2022.
Post ni David sa Facebook: “With this EO, mayroon nang two-day per month privilege na makukuha ang female employees ng Provincial Government of La Union on their period days where they can avail therefore for a work-from-home arrangement.
“Aside from this, we will also provide menstrual kits in every office.”
Hangad din ng gobernadora na magsilbi itong awareness campaign sa mga pinagdadaanan ng mga babae pagsapit ng kanilang monthly period.
“I hope that with this EO, we can spread awareness and be kinder to our female employees lalong-lalo na sa kanilang period days,” ani David.
Mensahe niya sa mga beneficiaries ng ordinance: “To all our female employees, this EO is my hug to each of you.”
Samantala, itatakda pa ang mga guidelines, ani Zeny Aspiras, supervising administrative officer at the Human Resource Management Office of the provincial administrator, sa ulat ng Philippine News Agency.
“Although it is a work-from-home arrangement, it will still be output-based as per the existing rules under Civil Service Commission,” ani Aspiras.
Kaugnay nito, may mga bansa sa Asya na nagbibigay ng paid medical leave para sa mga kababaihang dumadanas ng cramps o pain pagsapit ang kanilang monthly period.
Kabilang dito ang South Korea, Taiwan, Indonesia, at Japan.