Muling bubuksan ng Commission on Elections (COMELEC) ang voter’s registration para sa Barangay and Sangguniang Kabataan elections (BSKE).
Magsisimula ito sa December 9, 2022 at matatapos sa January 31, 2023.
Para maging madali sa mga magpaparehistro ang pagpapatala, isasagawa ng COMELEC ang Register Anywhere Project (RAP) sa loob ng 10 weekends simula sa December 17 sa limang shopping malls sa National Capital Region (NCR).
Bilang bahagi ng approved operational plan, nagsagawa ang COMELEC ng initial internal end-to-end demonstration ng RAP sa Robinsons Place Manila noong November 4, 2022.
Sa inilabas na pahayag ni COMELEC spokesperson John Rex Laudiangco noong November 9, sinabi niyang ang RAP ay gagawin tuwing Sabado at Linggo hanggang January 29, 2023.
Sarado naman ang RAP sa December 24, 25, 31, 2022; at January 1, 2023.
Maglalabas pa ng panibagong anunsiyo ang poll body kung saang malls available ang RAP.
Ani Laudiangco, “To emphasize, a public demonstration will be conducted before the actual roll-out, with the date/s therefore to be announced later on.
“At the moment, every step of the processes are currently being studied and improved, most particularly on the information technology infrastructure part.”
Ipinaliwanag din ni Laudiangco na ang qualified applicant na naninirahan saan man sa Pilipinas ay maaaring magparehistro sa RAP booths na nasa mga malls sa NCR.
Magkahiwalay rin ang registration booths para sa applicants na residente ng city o municipality na kinaroroonan ng mall, at ng mga hindi residente.
“They may submit their application form, documentary requirements and have their biometrics taken on-site.
“Previously, only the residents of the locality where the mall is located were allowed to register in mall registration sites.”
Aniya, makagagaan ang RAP sa mga magpaparehistro.
“The submitted documents and captured biometrics data shall then be endorsed and transmitted by the recipient RAP teams to the Office of the Election Officer of the district/city/municipality having jurisdiction over the residence of the applicant for the requisite verification, publication/posting, and Election Registration Board Hearing.”
Nagdesisyon ang COMELEC na i-reopen ang voter’s registration matapos lagdaan ni Pangulong Ferdinand Marcos Jr. ang batas na nagpaliban sa BSKE ngayong December, at sa halip ay isasagawa sa October 2023.