May clerical o typographical error ba sa iyong birth certificate na nais mong ipakorek?
Kailangan pa ba itong idaan sa korte? Magkano naman ang aabutin ng gastos?
Kung clerical o typographical error ang birth certificate correction, hindi na kailangang idaan ito sa korte, ani Attorney Chel Diokno, isang Filipino lawyer at human rights advocate.
Read: Validity ng birth, death, at marriage certificates, for life na
Ito ang laman ng isa niyang “Legal Lifehack” video sa TikTok.
“Kung may maling letra o petsa sa inyong birth certificate, di na kailangang dumaan sa korte para ipakorek,” aniya.
Ang pasok sa clerical at typographical error na nakasaad sa Republic Act (RA) 9048 as amended by RA 10172 ay ang mga sumusunod:
- First name
- Day or month of birth
- Sex
Ani Atty. Diokno, maaaring nangyari ang clerical o typographical error noong nilalagay ang mga detalye sa birth certificate.
Maaari nang i-file ang petition for correction sa City o Municipal Registrar kung saan ipinanganak o City o Municipal Registrar kung saan kasalukuyang nakatira.
Ang maaaring mag-file ng petisyon ay ang taong concerned o kaya ay ang kanyang mga magulang, kapatid, asawa, o anak.
Kung nasa ibang bansa ka naman, maaaring i-file ito sa Philippine consulate.
Magkano naman ang fee para sa clerical at typographical error?
Correction of first name = PHP1,000
Correction of day/month of birth, or sex = PHP3,000
Hindi pa kasali rito ang gagastusin para sa publication ng petition sa newspaper.
Paalala ng abogado hindi kasama rito ang correction sa nationality, age, at civil status.
Ang mga ito ay itinuturing na judicial o essential corrections at kailangang dumaan sa korte.