Nagbabalik ang P1SO sale ng Cebu Pacific, kaya may pagkakataon ang mga nais bumiyahe na makapag-book ng domestic o international flight for PHP1 only.
Inianunsiyo ito ng Cebu Pacific sa official Facebook account nito ngayong April 17, 2023.
Ang promo ay available hanggang April 19.
Read also: Palasyo idineklarang regular holiday ang April 21
Maaaring bumiyahe sa mga sikat na local tourist destinations, tulad ng Boracay, Siargao, at Davao, o kaya ay sa labas ng Pilipinas, gaya ng Tokyo, Hong Kong, Dubai, at sa halagang PHP1 one-way base fares mula sa Manila.
Ang travel period para sa promo ay mula August 21, 2023 hanggang March 31, 2024.
Read also: Gaano karaming lugar na sa Pilipinas ang iyong nalakbay?
Batay sa Cebu Pacific website, kasama sa quoted domestic one-way base fare ang seven-kilogram hand-carry baggage allowance.
Hindi naman kasama ang web admin fee, 12 percent value-added tax (VAT), terminal fees, at maging ang fuel surcharge.
Kasama rin sa quoted international one-way ang seven-kilogram hand-carry baggage allowance, pero hindi kasama ang web admin fees para sa short-haul and long-haul flights, maging ang PHP550 international terminal fee at ang fuel surcharge.
Para makapag-book ng flight, bisitahin ang seat sale section ng Cebu Pacific.
Read also: Tourism chief, pinakitang safe ang scuba diving sa Puerto Galera