Ibinahagi ng De La Salle Lipa City last March 29, 2023, ang mga larawan ng mabulaklak na Palawan Cherry, o Philippine “Cherry Blossoms,” sa loob ng campus nito.
Ang caption sa mga larawan, published as is: “The light pink flowers of the Palawan cherries [Philippine ‘Cherry Blossoms’-Cassia nodosa] at De La Salle Lipa are in bloom!”
Komento tuloy ng isang netizen, “Japan-Japan ka pa, meron pala sa De La Salle Lipa.”
Read also: Extremely rare Melo pearl na abot PHP1.6M ang halaga, napulot sa uulaming kuhol
Marami kasi sa ating mga kababayan ang nagpupunta sa Japan para saksihan ang pamumukadkad ng cherry blossoms sa naturang bansa.
Bagaman at marami ang natuwa, na-excite, nagandahan sa mga bulaklak at nag-suggest na dapat magtanim pa ng mas maraming ganito ang mga Pilipino, may ibang netizens na nagpasubali kung cherry blossoms ba talaga ang nasa compound ng DLSU Lipa.
Ayon sa isang nagkomento, “I thought that flowers blossom only in four seasons country and not in the Philippines.”
Interestingly, last March 22 ay nag-turnover ng Palawan cherry blossom seedlings ang Department of Environment and Natural Resources-National Capital Region sa Manila Chinatown Barangay Organization sa pamamagitan ng Rotary Club of Manila.
Read also: Gaano karaming lugar na sa Pilipinas ang iyong nalakbay?
Ang DENR at RCM ay parehong katuwang ng Pasig River Coordinating and. Management Office para sa rehabilitasyon ng naturang ilog.
Ang Palawan cherry blossom seedlings ay itinatanim sa mga gilid ng Pasig River, at sinimulan na sa Binondo, Manila.
Ayon sa ulat ng Philippine Information Agency na nag-cover na ginanap na event, ang local cherry blossoms variety ay hindi katulad ng iconic na sakura o cherry blossoms ng Japan.
Lumalago lang ang sakura sa temperate climates.
Gayunpaman, “distant cousins” umano ang Palawan cherry blossoms at sakura dahil iisa ang ancestor nila—ang “eudicots.”
Ang eudicots ay mga buto ng halaman na kapag sumibol na mula sa lupa ay may “two-leaf seed sprouts.”
Ang local name ng Palawan cherry blossom ay “Balayong.”
“Cassia nodosa” naman ang scientific name nito.
Kilala bilang “Palawan Cherry,” marami nito sa Palawan at may mga nakatanim sa Balayong Park, Puerto Princesa City na namumulaklak na rin.
Read also: Tourism chief, pinakitang safe ang scuba diving sa Puerto Galera
Read also: Vlogger dedma sa mga hindi pabor na mag-post ng travel photos sa social media
Ang puno ng Balayong ay medium-size, at namumulaklak ng light pink o kaya ay white.
Para sa mga taga-Palawan, simbolo ito ng feminine dominance at female beauty, at nagpapahiwatig ng pag-ibig “in the language of herbs.”
Ayon naman kay Menie Odulio, Philippine native plant advocate, at naging president ng Philippine Native Plants Conservation Society, Inc. mula 2017 hanggang 2020, “Yes, it’s pretty.
“But calling it Palawan Cherry, and more so Philippine Cherry Blossoms, is very wrong.”
Nakausap si Menie ng PEP.ph (Philippine Entertainment Portal) noong April 18 upang makakuha ng impormasyon tungkol sa Palawan cherry.
Read also: Tara na sa Mapanuepe Lake, ang “New Zealand ng Zambales”
Tama naman aniya ang scientific name.
Paglilinaw niya, “It is definitely not a cherry, as it is a legume and its fruit is a pod—similar to sitaw or patani. Not at all like a cherry.”
Sinabi rin ni Menie na hanggang ngayon ay debatable pa kung native talaga sa Pilipinas ang Palawan Cherry.
“If you want more information about the so-called Palawan Cherry, I suggest you join the closed group ‘Philippine Native Tree Enthusiasts’ on Facebook.
“Madali lang namang mag-join. Once you’re in the group, you can use the Search function to see more discussions about the so-called Palawan Cherry, some from actual scientists.”