Papayagan ng Land Transportation Office (LTO) na magamit bilang pansamantalang driver’s license ang Official Receipt (OR) o ang resibo na ibinibigay kapag kumukuha ng lisensiya para sa pagmamaneho.
Ito ang hakbang ng LTO sa inaasahang kakulangan ng supply ng plastic card for driver's license.
Ipinabatid ito ni LTO Chief Jay Art Tugade sa media sa ginanap na pulong-balitaan noong April 20, 2023.
Read also: Why LTO decides to scrap periodic medical exam for driver’s license holders
Ani Tugade, resulta ito ng department order na kanyang natanggap noong January na nagsasaad na lahat ng procurement na mas mataas sa PHP50 milyon ay dapat isagawa ng Department of Transportation (DOTr) central office.
Dahil hindi pa tapos ang proseso ng DOTr, inaasahang magkakaroon ng kakulangan ng plastic cards.
Kaya sa ilalim ng memorandum na inilabas ng LTO, sinabihan ang mga regional at district office na sakaling maubos na ang supply ay gagamitin muna ang Official Receipt bilang “Temporary Driver’s License.”
Read also: Biyudang lola sa Davao Del Sur, solo winner ng PHP35M sa Lotto 6/42
Pahayag ni Tugade, "Yung magre-renew ng kanilang driver's license, kung walang supply ng plastic cards doon sa opisina, bibigyan sila ng printout ng official receipt ng kanilang driver's license.”
Ang OR ay kailangang may kumpletong detalye, unique QR code, at may mga screenshot ng harap at likod ng driver’s license card.
Read also: 1,670 batang Pilipino, nasasawi sa road accident kada taon
Inatasan din ang mga regional director ng LTO na mag-reallocate ng supply ng plastic cards sa kanilang mga nasasakupan kung kinakailangan.
Batay sa pinakahuling datos ng LTO, nasa 147,522 na lamang ang natitira at puwedeng magamit sa pag-iimprenta ng driver’s license.
Posibleng maubos ang mga ito sa katapusan ng April.
“Kaya po agad na rin pong gumawa ng hakbang ang LTO para matugunan ang inaasahang kakapusan na ito,” ani Tugade.
Dagdag pa niya, “Nakipagpulong na rin ang LTO sa mga law enforcer tulad ng PNP Highway Patrol Group upang maipabatid sa kanila na kung manghuhuli ng mga lumalabag sa batas-trapiko ay tanggapin na rin kung OR lamang ang ipapakita ng motorista.”
Read also: Luis Manzano, netizens react to badminton game in middle of heavy traffic on NLEX
Mananatili ang panuntunan na ito hangga’t hindi nakakapag-imprenta ng plastic na driver’s license card.
Ani Tugade, “Sa sandaling magbigay na ng abiso ang DOTr na mayroon nang supply ng plastic cards, agad na naming pasisimulan ang pag-iimprenta ng driver’s license.”
Read also: VIRAL: Estudyanteng late sa klase, aba, nakasabay si Prof sa LRT!