Bilang pagdiriwang ng ika-26 na anibersaryo ng pagsisimula ng larong Mega Lotto 6/45, magbibigay ang Philippine Charity Sweepstakes Office ng PHP100.00 halaga ng libreng tickets sa ika-17 ng Mayo, 2023 para sa mga tumataya sa nasabing draw.
Inianunsiyo ito ng PCSO official Facebook account ngayong May 15, 2023.
Read also: Winner ng PHP16M lotto jackpot, gumamit ng System 8 sa pagtaya
Ipamamahagi ang “Regalong Ticket Para Kay PCSO Kalaro!” sa mga sumusunod:
- Sa unang 100 GENERAL PUBLIC LOTTO PLAYERS na bibili ng hindi bababa sa PHP20.00 Jackpot Bearing Game Tickets sa PCSO Games Hub na matatagpuan sa PCSO Main Office sa Mandaluyong.
- Sa unang 30 GENERAL PUBLIC LOTTO PLAYERS na bibili nang hindi bababa sa PHP20.00 Jackpot Bearing Game Tickets sa mga lotto outlets na matatagpuan sa PCSO Branch Offices sa buong bansa.
Read also: 2 Mindanaoans bagong milyonaryo dahil sa lotto
Ito rin ay isang paraan ng pagpapahalaga ng PCSO sa walang patid na suporta ng mga Pilipino sa mga laro ng PCSO.
Ipinaalala naman ng PCSO na sakaling tumama sa lotto, para hindi ma-forfeit ang premyo, ang winner ay may isang taon mula sa petsa ng draw para i-claim ang napanalunan, ayon sa nakasaad sa Republic Act No. 1169.
Read also: Sari-sari store owner sa Northern Samar, wagi ng PHP63.1M Super Lotto jackpot
Ang lahat ng lotto jackpot prizes ay kailangang sa PCSO Main Office, Shaw Boulevard, Mandaluyong City lang i-claim.
Para makuha ang napanalunan, dapat isulat ng winner ang pangalan nito sa likod ng winning ticket at pirmahan.
Kailangan ding magpakita ng dalawang government-issued IDs.
Read also: Mag-ama wagi ng PHP11M sa MegaLotto 6/45. “Sabi ko tig-isa tayo. Kapag tumama, hati tayo."