"Popular Now" sa Facebook ang post ni Vice President Sara Duterte sa kanyang Instagram account.
Published as is, saad niya: “In your ambition, do not be tambaloslos.”
Agad naging usap-usapan sa iba’t ibang social media platforms ang salitang “tambaloslos.”
Read also: Physical transformation ni Kitty Duterte, umani ng papuri mula sa netizens
Ang tambaloslos ay bahagi ng folklore sa Visayas, Bicol, at Mindanao.
Isinasalarawan ito bilang isang lalaking halimaw na may malaking bibig at sex organ.
Ayon sa The Aswang Project, isang educational resource tungkol sa Philippine folklore, isa ang tambaloslos sa mga “nilalang”sa Pilipinas na bihira ang nakakaalam, at hindi bahagi ng mga documentation ng folkloric beings.
Hindi rin ito kasama sa aklat na 101 Kagila-Gilalas Na Nilalang na inakda ni Cesar Calabia Samar. Naitampok dito ang mga aswang, anito, diwata, at bathala na bahagi ng mayamang kuwento at paniniwala sa iba’t ibang rehiyon sa ating bansa.
Read also: VP Sara Duterte asks NBI to investigate alleged abuses at boarding school in Laguna
Ang paliwanag ng The Aswang Project, wala ang tambalolos sa formal texts ng Philippine folklore dahil sa paglalarawan dito na isang halimaw na may malaking sex organ—na sa tradisyong Pilipino ay walang cultural basis.
Ang tambaloslos ay isa ring slang word sa Cebuano language.
Nangangahulugan ito na "isang lalaki na walang silbi o inutil."
Paminsan-minsan ay ginagamit ito “to elicit a humorous effect.”
Marami naman ang naintriga sa IG post ng bise presidente.
Wala man siyang binanggit na pangalan o konteksto, ilang publications—gaya ng Sunstar Davao at Balita—ang nag-point out sa resignation niya bilang miyembro ng Lakas-Christian Muslim Democrats (Lakas-CMD) party nito May 19.
Aniya sa kanyang Facebook post, “This is to announce my irrevocable resignation as a Lakas-CMD member effective today.
“I am grateful to all the party members for the support that also once demonstrated that unity is possible to advance our shared dreams for our fellow Filipinos and our beloved country,” saad niya sa Facebook post.
Naging chairperson ng partido si VP Sara katuwang ni House Speaker Martin Romualdez, na siya namang Lakas-CMD president.
Walang tinukoy na dahilan ang bise presidente sa kanyang pagbibitiw sa partido.
Gayunpaman, sinabi niya na, “I am here today because of the trust of the Filipino people in me to lead and serve them and the country, and this cannot be poisoned by political toxicity or undermined by execrable political power play.
“Nothing is more important to me than being able to meaningfully serve our fellow Filipinos and the Philippines, with President Ferdinand Marcos Jr. leading the way. Trust that my word, my commitment will be immutable.”